കോളിവുഡ് സൂപ്പര്‍ താരം വിക്രത്തിന്റെ മകന് ധ്രുവ് വിക്രമിന്റെ ആദ്യ ചിത്രം ആഘോഷമാക്കാനുള്ള ഒരുക്കത്തിലാണ് വിക്രമിന്റെ ആരാധക സംഘം, ബാല സംവിധാനം ചെയ്യുന്ന ഈ ചിത്രം നിര്‍മ്മിക്കുന്നത് E4 എന്റര്‍ടെയ്ന്‍മെന്റ്സ് ആണ്. ആരാധകരുടെ പ്രതീക്ഷകള്‍ക്ക് തിളക്കം വര്‍ധിപ്പിച്ച് കൊണ്ട് ചിത്രത്തിന്റെ ഫസ്റ്റ് ലുക്ക് പോസ്റ്റര്‍ കഴിഞ്ഞ ദിവസം പുറത്തിറക്കിയിരുന്നു ഇപ്പോഴിതാ താരപുത്രന്റെ കന്നി ചിത്രത്തിന്റെ പേരും പ്രഖ്യാപിച്ചു കഴിഞ്ഞു. ‘വര്‍മ്മ’ എന്ന് പേരിട്ടിരിക്കുന്ന ചിത്രത്തിലേക്കുള്ള നായികയെ കണ്ടെത്താനുള്ള ഒരുക്കത്തിലാണ് ചിത്രത്തിന്റെ അണിയറ ടീം. നായികയെ തേടുന്ന ഒരു വീഡിയോ ഇന്‍സ്റ്റഗ്രാം വഴി പങ്കുവെച്ചിരിക്കുകയാണ് വിക്രം.
“അതെ അവളെ കാണാനില്ല” എന്ന വെറൈറ്റി രീതിയോടെയാണ് നായികയ്ക്ക് വേണ്ടിയുള്ള കാസ്റ്റിംഗ് കാള്‍ വിക്രമും ടീമും അവതരിപ്പിച്ചിരിക്കുന്നത്.
“അതെ അവളെ കാണാനില്ല, അവള്‍ നിങ്ങള്‍ ആണെങ്കില്‍ അവളെപ്പോലെയാണ് നിങ്ങള്‍ എങ്കില്‍ അവളുടെ ചിത്രവും വീഡിയോയും ഞങ്ങള്‍ക്ക് അയക്കുക, സമയമെടുത്തോളൂ, എന്നാല്‍ അധികം വൈകണ്ട, ഞങ്ങള്‍ അക്ഷമയോടെ കാത്തിരിക്കുന്നു”, വിക്രം പങ്കുവെച്ച വീഡിയോയില്‍ പറയുന്നു. വിക്രം ഷെയര്‍ ചെയ്തിരിക്കുന്ന വീഡിയോയിലെ പെണ്‍ ശബ്ദം ശ്രുതി ഹാസന്റെതാണ്.
Post Your Comments