രാത്രിയിൽ കടലയും കൊറിച്ചു കോട്ടയം നഗരവീഥിയിലൂടെ നടന്നുപോയ യുവ താരത്തെകണ്ട് ആളുകൾ ഞെട്ടി.സിനിമയ്ക്കുവേണ്ടി എന്ത് റിസ്‌ക്കും ഏറ്റെടുക്കുന്ന യുനടൻ ഫഹദ് ഫാസിലായിരുന്നു ആ വ്യക്തി.ഫഹദിന്റെ പുതിയ ചിത്രം കാർബണിന്‍റെ ചിത്രീകരണമായിരുന്നു കോട്ടയത്ത് രാത്രിയില്‍ നടന്നത്.
കൈയിൽ കടല പൊതിയും പിടിച്ച് കറുത്ത ഷർട്ടും ധരിച്ച് നടന്നു പോകുന്ന രംഗമാണത്.ചിത്രത്തിന്‍റെ സംവിധായകൻ വേണു പല നിർദ്ദേശങ്ങളും നൽകുന്നുണ്ടായിരുന്നു. ഫഹദിന്റെ കടല കൊറിച്ചുള്ള നടപ്പ് ടേക്കിന് മുമ്പുള്ള റിഹേഴ്‌സലായിരുന്നു.കണ്ടു നിന്നവരിൽ ആരോ ഈ ദൃശ്യം ഷൂട്ട് ചെയ്ത് സോഷ്യൽ മീഡിയയിൽ പോസ്റ്റ് ചെയ്തു.ഇതോടെ വീഡിയോ വൈറലായി.
മുന്നറിയിപ്പിന് ശേഷം വീണു സംവിധാനം ചെയ്യുന്ന ചിത്രമാണിത്.ഫഹദ് ഫാസിലിനൊപ്പം മംമ്ത മോഹൻദാസ് ,നെടുമുടി വേണു ,ദിലീഷ് പോത്തൻ ,സൗബിൻ ഷാഹിർ ,വിജയ രാഘവൻ തുടങ്ങിയവരും ചിത്രത്തിൽ അണിനിരക്കുന്നുണ്ട്.
Post Your Comments