തൊണ്ണൂറുകളില്‍ ലോ ബഡ്ജറ്റ് ചിത്രങ്ങളിലൂടെ ശ്രദ്ധേയനായ സംവിധായകനാണ് വിജി തമ്പി. രഞ്ജിത്ത് വിജി തമ്പി കൂട്ടുകെട്ടില്‍ മികച്ച ചിത്രങ്ങള്‍ ഉണ്ടായിട്ടുണ്ട്. രഞ്ജിത് ശ്രീനിവാസനെ നായകനാക്കി ഒരുക്കാന്‍ തീരുമാനിച്ച ചിത്രമായിരുന്നു. പാവത്താനായ ഒരു പോലീസുകാരന്റെ കഥ. എന്നാല്‍ വടക്കുനോക്കി യന്ത്രം എന്ന ചിത്രത്തിന്‍റെ വിജയത്തോടെ താരമൂല്യം ഉയര്‍ന്ന ശ്രീനിവാസന് വിജിതമ്പിയുടെ ഈ ചിത്രത്തിന് നല്‍കാന്‍ സമയം ഉണ്ടായിരുന്നില്ല. അതുകൊണ്ട് തന്നെ നന്മ നിറഞ്ഞവനായി അഭിനയിക്കാന്‍ ശ്രീനിവാസനെ ലഭിച്ചില്ല.
എന്നാല്‍ കഥ ഇഷ്ടമായതിനാല്‍ ഈ ചിത്രം ഉപേക്ഷിക്കുവാന്‍ വിജി തമ്പിയ്ക്ക് ആയില്ല. ഒടുവില്‍ നായകന്‍റെ പേര് സിനിമയ്ക്ക് നല്‍കികൊണ്ട് നന്മനിറഞ്ഞ ആ കഥാപാത്രത്തെ അവതരിപ്പിക്കാന്‍ ജയറാമിനെ തിരഞ്ഞെടുത്തു. അങ്ങനെ ശ്രീനിവാസന് പകരം ജയറാം ചിത്രത്തില്‍ നായകനായി.
Post Your Comments