ശ്രീജിത്ത് വിജയൻ തിരക്കഥയെഴുതി സംവിധാനം ചെയ്യുന്ന ചിത്രമാണ് ‘കുട്ടനാടന്‍ മാര്‍പാപ്പ’. പൂര്‍ണ്ണമായും ആലപ്പുഴയില്‍ ചിത്രീകരിക്കുന്ന കുട്ടനാടന്‍ മാര്‍പാപ്പ നിര്‍മിക്കുന്നത് ഹസീബ് ഹനീഫ്, നൗഷാദ് ആലത്തൂർ, അജി മേടയിൽ എന്നിവർ ചേര്‍ന്നാണ്. കോമഡി എന്റര്‍ടെയ്നറായി ഒരുങ്ങുന്ന ചിത്രത്തില്‍ കുഞ്ചാക്കോ ബോബന്‍ ആണ് ഹീറോയായി എത്തുന്നത്. അതിഥി രവിയാണ് ചിത്രത്തിലെ നായിക.
ഇന്നസെന്റ്, സലിം കുമാർ, അജു വർഗീസ്, രമേശ്‌ പിഷാരടി, ശാന്തികൃഷ്ണ, ധര്‍മജന്‍ എന്നിവരാണ് ചിത്രത്തിലെ മറ്റു താരങ്ങള്‍. ചിത്രത്തില്‍ ഒരു ഫോട്ടോ ഗ്രാഫറുടെ റോളിലായിരിക്കും കുഞ്ചാക്കോ ബോബന്‍ അഭിനയിക്കുക. ഇത് ക്യാമറ വെള്ളത്തിൽ വീണ കഥയല്ലെന്നും ക്യാമറയുമായി വെള്ളത്തിൽ ചാടിയ ക്യാമറാമാന്റെ കഥയാണെന്നും കുഞ്ചാക്കോ ബോബന്‍ ഫേസ്ബുക്കില്‍ കുറിച്ചു. അരവിന്ദ് കൃഷ്ണ ഛായാഗ്രഹണം നിർവഹിക്കുന്ന ചിത്രത്തിന്റെ സംഗീതം രാഹുല്‍രാജ് ആണ്. വൈകാതെ തന്നെ സിനിമയുടെ ചിത്രീകരണം ആരംഭിക്കും.
Post Your Comments