നടിയെ ആക്രമിച്ച കേസില്‍ ജനപ്രിയ നടന്‍ ദിലീപിനെ അറസ്റ്റ് ചെയ്ത വാര്‍ത്ത ഞെട്ടലോടെയാണ് കേരളം കേട്ടത്. ജാമ്യം കിട്ടി പുറത്തു വന്നെങ്കിലും ഇപ്പോഴും നടൻ വേട്ടയാടപ്പെട്ടുകൊണ്ടിരിക്കുന്നു.ഒപ്പം നടനോട് ഏതെങ്കിലും തരത്തിൽ അടുത്ത നിൽക്കുന്നവരും.
മുരളി ഗോപിയുടെ തിരക്കഥയില്‍ പരസ്യ ചിത്രങ്ങളിലൂടെ ശ്രദ്ധേയനായ രതീഷ് അമ്ബാട്ട് സംവിധാനം ചെയ്യുന്ന കമ്മാരസംഭവത്തില്‍ അഭിനയിച്ചു കൊണ്ടിരിക്കുമ്പോഴാണ് താരത്തെ പൊലീസ് അറസ്റ്റ് ചെയ്തത്. തെന്നിന്ത്യന്‍ താരം സിദ്ധാര്‍ത്ഥും ചിത്രത്തില്‍ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.
ഇപ്പോഴിതാ, കമ്മാരസംഭവത്തില്‍ നിന്നും പിന്മാറണമെന്നും ദിലീപിനൊപ്പം അഭിനയിക്കരുതെന്നും സിദ്ധാര്‍ത്ഥിനു മേല്‍ സിനിമ മേഖലയിലുള്ളവര്‍ സമ്മര്‍ദ്ദം ചെലുത്തുന്നതായി റിപ്പോര്‍ട്ട്. എന്നാല്‍ എല്ലാ വെല്ലുവിളികളെയും ധീരമായി നേരിട്ടാണ് സിദ്ധാര്‍ത്ഥ് ദിലീപിനൊപ്പം അഭിനയിക്കാന്‍ എത്തുന്നത്. സമ്മര്‍ദ്ദങ്ങളെ അതിജീവിച്ച്‌ ചിത്രത്തില്‍ അഭിനയിക്കാന്‍ താരം തീരുമാനിക്കുകയായിരുന്നു.
Post Your Comments