മോഹന്‍ലാലിന്റെയും സുരേഷ്ഗോപിയുടെയും നായികയായി തിളങ്ങിയ തെന്നിന്ത്യന്‍ താരമാണ് ദേവയാനി. തമിഴ്, മലയാളം, തെലുങ്ക് സിനിമകളില്‍ തിരക്കുള്ള താരമായി മാറിയ ദേവയാനി സിനിമാ മേഖലയില്‍ നിന്നും ഇടവേളയെടുത്തിരിക്കുകയായിരുന്നു. അഭിനയ ജീവിതത്തില്‍ നിന്നും മാറി നില്‍ക്കാതെ ടെലിവിഷന്‍ പരമ്പരകളില്‍ താരം സജീവമായിരുന്നു.
ഒരിടവേളയ്ക്കു ശേഷം വീണ്ടും മലയാളത്തിലേക്ക് തിരിച്ചുവരുകയാണ് ദേവയാനി . പപ്പന്‍ പയറ്റുവിള സംവിധാനം ചെയ്യുന്ന ‘മൈ സ്കൂള്‍’ എന്ന ചിത്രത്തിലൂടെയാണ് ദേവയാനി വീണ്ടും മലയാളത്തിലെത്തുന്നത്.
മാഗ്ന വിഷനു വേണ്ടി പി. ജഗദീഷ് കുമാര്‍ നിര്‍മ്മിക്കുന്ന ഈ ചിത്രത്തിന്റ ചിത്രീകരണം തിരുവനന്തപുരത്തും പരിസരങ്ങളിലുമായി പൂര്‍ത്തിയായി. നമ്മുടെ നാട്ടില്‍ അടച്ചുപൂട്ടല്‍ ഭീഷണി നേരിടുന്ന ഒരു സര്‍ക്കാര്‍ സ്കൂളിനെ കേന്ദ്രീകരിച്ചാണ് ചിത്രത്തിന്റെ കഥ വികസിക്കുന്നത്. ഒരു സമ്പന്ന കുടുംബത്തിലെ അംഗ മഹാലക്ഷ്മി എന്നാ സ്കൂള്‍ ടീച്ചര്‍ ആയാണ് ദേവയാനി വേഷമിടുന്നത്. രഞ്ജിത്ത്, മധു, സോനാ നായര്‍, ഹരീഷ് പേരടി, മധു എയര്‍പോര്‍ട്ട്, അരുണ്‍ തമലം, വേണു നരിയാപുരം, മധു അഞ്ചല്‍, കൊല്ലം ഷാ, വിജയന്‍ നായര്‍, പുഞ്ചിരി കൃഷ്ണ, രുഗ്മിണിയമ്മ എന്നിവര്‍ അഭിനയിക്കുന്നു.
Post Your Comments