ഹവാ ഹവായി വീണ്ടുമെത്തി ;തുംഹാരി സുലുവിലൂടെ

1987 ല്‍ പുറത്തിറങ്ങിയ മിസ്റ്റര്‍ ഇന്ത്യയിലെ ഹവാ ഹവായി എന്ന ഹിറ്റ് ഗാനം പുതുതലമുറയ്ക്ക് പോലും പരിചിതമാണ്. 30 വർഷങ്ങൾക്ക് ശേഷം വിദ്യാ ബാലന്‍ നായികയായ തുംഹാരി സുലു എന്ന ചിത്രത്തിലൂടെ വീണ്ടുമെത്തുകയാണ് ആ ഗാനം. ഹവാ ഹവായി 2.0 എന്ന പേരിലാണ് ഗാനം ടി-സീരീസ് യൂട്യൂബിലൂടെ പുറത്തുവിട്ടിരിക്കുന്നത്. സുരേഷ് ത്രിവേണി സംവിധാനം ചെയ്യുന്ന ചിത്രത്തിൽ റേഡിയോ ജോക്കിയാകുന്ന സുലു എന്ന വീട്ടമ്മയായാണ് വിദ്യ എത്തുന്നത് .മാനവ്, നേഹ ധൂപിയ, വിജയ്, മലിഷ്‌ക, അഭിഷേക് ശർമ്മ എന്നിവരാണ് മറ്റ് താരങ്ങൾ. നവംബർ 17 ന് ചിത്രം തിയറ്ററിലെത്തും.