എന്റെ പടച്ച തമ്പുരാനാണെ സ്വപ്നത്തിൽ പോലും വിചാരിച്ചില്ല ഇത് നടക്കുമെന്ന്; വിഷ്ണു ഗോവിന്ദ് പറയുന്നു

മാത്യൂ മാഞ്ഞൂരാനും സംഘവും വില്ലനെതേടി വേട്ട തുടങ്ങിക്കഴിഞ്ഞു. ചിത്രം തിയേറ്ററുകളില്‍ എത്തുന്നതിനൊപ്പം ഫസിബോക്കില്‍ ഒരു കുറിപ്പും തരംഗമാകുന്നു . ചിത്രത്തില്‍ മോഹന്‍ലാലിന്റെ കൂടെഅഭിനയിക്കുന്ന വിഷ്ണു ഗോവിന്ദ് പങ്കുവച്ച സന്തോഷമാണ് ഇപ്പോള്‍ സോഷ്യല്‍ മീഡിയയിലെ ചര്‍ച്ച.

വിഷ്ണു ഗോവിന്ദിന്റെ പോസ്റ്റ്

സ്ഫടികം കണ്ടു തുടങ്ങിയ ആരാധനയാ…. പിന്നീട് അങ്ങോട്ടു ഹൃദയത്തിന്റെ ഒരു ഭാഗത്ത് ദൈവത്തെ പോലെ പ്രതിഷ്ഠിച്ചു…. സ്കൂളിൽ പഠിക്കുന്ന സമയം… നരൻ റിലീസ് ആയത് ഇന്നും ഓർക്കുന്നു…. സിനിമ കാണാൻ ക്യാഷ് ഇല്ലാതെ വിഷമിച്ചിരുന്ന എനിക് “നരൻ” 1st day.. 1st ഷോ കാണണം എന്ന് ആഗ്രഹം തടഞ്ഞു നിർത്താനായില്ല… അങ്ങിനെ 2 ദിവസം വീട്ടിൽ നിന്ന് food കഴിക്കാൻ തന്ന ക്യാഷ് കൂട്ടി വച്ചു…. പട്ടിണി കിടന്നാലെന്താ വെള്ളം കുടിച്ചു വയറു നിറച്ചാൽ എന്താ… നരൻ കാണാൻ പറ്റിയല്ലോ അതും 1st ഡേ 1st ഷോ…..
അന്ന് എന്റെ പടച്ച തമ്പുരാനാണെ സ്വപ്നത്തിൽ പോലും വിചാരിച്ചില്ല ഈ മഹാപ്രതിഭയുടെ കൂടെ എനിക്ക് സ്ക്രീനിൽ വരാൻ പറ്റുമെന്ന്…
ചില സ്വപ്നങ്ങൾ അങ്ങിനെയാണ്…. നമ്മൾ മറന്നാലും പുള്ളിക്കാരൻ അത് അങ്ങു സെറ്റ് ആക്കിത്തരും……