ഇന്ത്യൻ സിനിമാ ചരിത്രത്തിൽ ഏറ്റവും വലിയ ഓഡിയോ ലോഞ്ച് ദുബായിൽ. രജനികാന്ത് ചിത്രം 2.0, യുടെ ഓഡിയോ ലോഞ്ചാണ് ആരാധകര്‍ പ്രതീക്ഷയോടെ കാത്തിരിക്കുകയാണ്. ചിത്രത്തിന്റെ ഷൂട്ടിംഗ് പൂര്‍ത്തിയായി.ഒക്ടോബര്‍ 27 ന് ഡൗണ്ടൗണ്‍ ദുബായിലെ ബുര്‍ജ് പാര്‍ക്കിലാണ് ഗ്രാൻഡ് ഷോ ഒരുക്കിയിരിക്കുന്നത്.
കമൽ ഹാസനാണ് മുഖ്യാതിഥി രജനികാന്ത്, അക്ഷയ് കുമാര്‍, എമി ജാക്സണ്‍, ശങ്കര്‍ എന്നിവരും ചടങ്ങിൽ പങ്കെടുക്കുന്നു.യു.എ.ഇ പ്രധാനമന്ത്രിയും ദുബായ് എമിറേറ്റ് ഭരണാധികാരിയുമായ ഷെയ്ഖ് മുഹമ്മദ് ബിന്‍ റാഷിദ് അല്‍ മക്തൂം ഈ ഷോയുടെ ഭാഗമാകും. എ ആർ റഹ്മാനാണ് ചിത്രത്തിൽ സംഗീതം ഒരുക്കിയിരിക്കുന്നത്. ഏകദേശം 125 മിനിറ്റ് ദൈര്‍ഘ്യമുള്ള 125 അംഗ ഓര്‍ക്കസ്ട്രയോടൊപ്പം ഗ്രാൻഡ് ഷോയിൽ അദ്ദേഹം മ്യൂസിക് കണ്ടക്‌ട് ചെയ്യും.
ദുബായിലെ ഷോപ്പിങ് മാളുകളിൽ എല്‍ഇഡി സ്ക്രീനുകളില്‍ ഈ പരിപാടി ലൈവ് സംപ്രേഷണം ചെയ്യും. 12,000 പാസുകളാണ് ഇപ്പോള്‍ വിതരണം ചെയ്തിട്ടുള്ളത്. ഏറ്റവും കൂടുതല്‍ കാത്തിരിക്കുന്ന വിഷ്വല്‍ ഷോകളും പ്രദര്‍ശിപ്പിക്കും. അടുത്തിടെ സിനിമയുടെ ഒരു ഗാനചിത്രീകരണത്തിനായി12 കോടിയാണ് ചെലവിട്ടത്.
ആദില്‍ ഹുസൈന്‍, സുധന്‍ശു പാണ്ഡെ, മലയാളി നടന്‍ കലാഭവന്‍ ഷാജോണ്‍, റിയാസ് ഖാന്‍ എന്നിവരും ചിത്രത്തില്‍ അഭിനയിക്കുന്നുണ്ട്. ഒന്നിലധികം ഭാഷകളിലായി ചിത്രം റിലീസ് ചെയ്യാനാണ് തീരുമാനം. നവംബറിലും ഡിസംബറിലും ട്രെയിലര്‍ പുറത്തിറക്കും.അടുത്ത ജനുവരിയിൽ ചിത്രം പ്രദർശനത്തിനെത്തും.
Post Your Comments