തിയേറ്ററില്‍ പ്രകമ്പനം കൊള്ളിച്ച കൂട്ടുകെട്ടായിരുന്നു ജോഷി മമ്മൂട്ടി ടീം. നിറക്കൂട്ടും, ന്യൂഡല്‍ഹിയും സംഘവുമെല്ലാം അതിനുദാഹരണങ്ങള്‍. എന്നാല്‍ തിയറ്ററില്‍ തീ പൊരി പാറിപ്പിച്ച ഈ കൂട്ടുകെട്ട് ഒരിക്കല്‍ വഴിമാറി സഞ്ചരിക്കാന്‍ തീരുമാനിച്ചു. അതാണ്‌ കുട്ടേട്ടന്‍.
സുന്ദരികളായ പെണ്‍കുട്ടികളോട് ഇടപെഴകാന്‍ ശ്രമിക്കുന്ന നാട്ടിലെ സ്ഥിരം കുട്ടേട്ടന്‍മാരില്‍ നിന്നും ലോഹിതദാസ് ഒരുക്കിയ കുട്ടേട്ടന്‍ തിയറ്ററില്‍ വന്‍ പരാജയമായി. ജോഷി മമ്മൂട്ടി കൂട്ടുകെട്ടില്‍ പിറന്നിട്ടും മമ്മൂട്ടി ആരാധകര്‍ കുട്ടേട്ടനെ തഴഞ്ഞു. മമ്മൂട്ടിയുടെ ക്ലീന്‍ ഇമേജിന് ഈ വേഷം ചേരില്ലെന്ന് ആദ്യമേ അഭിപ്രായമുണ്ടായിരുന്നു. എന്നാല്‍ ലോഹിത ദാസിന്റെ കഥ ഇഷ്ടപ്പെട്ട മമ്മൂട്ടിയ്ക്ക് കുട്ടേട്ടനെ നന്നായി ബോധിച്ചു. എന്നാല്‍ ആദ്യം ദിവസം തന്നെ ഈ ചിത്രം കണ്ട ഒരു സംവിധായകന്‍ ലോഹിതദാസിനോട് പറഞ്ഞത് ഭാര്യമാരെ കാണിക്കാന്‍ കൊള്ളില്ലല്ലോ… അങ്ങനെ കാണിച്ചാല്‍ കുട്ടേട്ടന്മാരുടെ തനി നിറം പുറത്താകും. അതുകൊണ്ട് ഫാമിലി കയറാന്‍ സാധ്യത കുറവാണെന്നായിരുന്നു.
എന്തായാലും ആ സംവിധായകന്റെ പ്രവചനം പോലെ ചിത്രം തിയറ്ററില്‍ മൂക്കും കുത്തി വീണു.
Post Your Comments