മുൻ ഭർത്താവിനോട് മഹാമനസ്കത കാട്ടുന്ന ഭാര്യ

പത്മപ്രിയ എന്ന നടിയെ മലയാളികൾക്ക് പരിചയപ്പെടുത്തേണ്ട കാര്യമില്ല. കൈകാര്യം ചെയ്ത വേഷങ്ങളൊക്കെത്തന്നെ തന്റേതായ രീതിയിൽ മികച്ചതാക്കി വിജയിപ്പിച്ച ചരിത്രമാണ് ഈ നടിക്കുള്ളത്.പഠനത്തിലും ഗവേഷണത്തിലും ശ്രദ്ധ കേന്ദ്രികരിച്ചപ്പോൾ തന്റെ സിനിമാജീവിതത്തിനു ചെറിയൊരു ഇടവേള നല്കാൻ ഈ നടി തയ്യാറായി.പിന്നെ വിവാഹ വാർത്തയും വന്നപ്പോൾ മറ്റു നടിമാരെപോലെ ഒരാൾ കൂടി കുടുംബം എന്ന പേരിൽ അഭിനയം മതിയാക്കി പോകുന്നു എന്നേ എല്ലാവരും കരുതിയുള്ളൂ.എന്നാൽ തനിക്ക് പഠനവും ഗവേഷണവും പോലെ തന്നെ അഭിനയവും പാഷൻ ആണെന്നും ഒരിക്കലും ഒഴിവാക്കില്ലെന്നും പദ്മപ്രിയ പറയുന്നു.ആ പാഷനും ആത്മാർത്ഥയും മനസ്സിലാക്കിയതുകൊണ്ട് തന്നെയാവാം സംവിധായകൻ രാജ കൃഷ്ണ മേനോൻ ഒരു ഹോളിവുഡ് ചിത്രം ഹിന്ദിയിൽ ഒരുക്കിയപ്പോൾ അതിലെ സൽസയും ഭരതനാട്യവും അറിയുന്ന ഒരു ഭാര്യയാവാൻ പദ്മപ്രിയയെ ക്ഷണിച്ചതും.സംവിധായകന് ഉറപ്പുണ്ടായിരുന്നു ആ വേഷം പദ്മപ്രിയയുടെ കയ്യിൽ ഭദ്രമായിരിക്കുമെന്ന്.