‘ഫോട്ടോഗ്രാഫര്‍’ എന്ന ചിത്രത്തിലെ അഭിനയത്തിലൂടെ മികച്ച ബാലതാരത്തിനുള്ള സംസ്ഥാന അവാര്‍ഡ് സ്വന്തമാക്കിയ മണി ഇപ്പോള്‍ മമ്മൂട്ടി ചിത്രം അങ്കിളിലെ താരമാണ്. ജോയ് മാത്യൂ സംവിധാനം ചെയ്യുന്ന അങ്കിള്‍ എന്ന സിനിമയുടെ ചിത്രീകരണം വയനാട്ടില്‍ പുരോഗമിക്കുകയാണ്. മോഹന്‍ലാല്‍ ചിത്രത്തില്‍ അഭിനയിച്ചു കഴിഞ്ഞ മണി മമ്മൂട്ടി ചിത്രത്തില്‍ അഭിനയിക്കുന്നതിന്റെ ത്രില്ലിലാണ്.
ചിത്രീകരണത്തിനിടെ മമ്മൂട്ടി മണിയെക്കുറിച്ച് ജോയ്മാത്യൂവിനോട് പങ്കുവച്ചത് ഇങ്ങനെ
“അടുത്ത സിനിമയില്‍ മണിക്ക് ഒരു നല്ല വേഷം കൊടുക്കണം.അവന്റെ മുഖത്തേക്ക് വെറുതെ നോക്കിയിരുന്നാല്‍ മതി മനസ്സിനു വല്ലാത്തൊരു ആശ്വാസമാണ്”.
മണിയും മമ്മൂട്ടിയും ഒന്നിച്ചുള്ള കോമ്പിനേഷന്‍ സീനുകളാണ് കഴിഞ്ഞ ദിവസം ചിത്രീകരിച്ചത്.
Post Your Comments