തെലുങ്ക് താരം ജഗപതി ബാബു അവതരിപ്പിച്ച പുലിമുരുകനിലെ ഡാഡി ഗിരിജ എന്ന പ്രതിനായകനെ ആരും മറക്കാനിടയില്ല, ചിത്രത്തിന്റെ വലിയ വിജയം ജഗപതി ബാബു എന്ന നടനെ മലയാളി പ്രേക്ഷകര്‍ക്ക് കൂടുതല്‍ സ്വീകാര്യനാക്കിയതോടെ വീണ്ടും മലയാളത്തില്‍ നെഗറ്റിവ് വേഷങ്ങളുമായി സജീവമാകുകയാണ് താരം.
ഇത്തവണ ഏറ്റുമുട്ടല്‍ മോഹന്‍ലാലുമായല്ല. മകന്‍ പ്രണവ് ആണ് ജഗപതിയുടെ എതിരാളി. ജീത്തു ജോസഫ് സംവിധാനം ചെയ്യുന്ന ആദി എന്ന ചിത്രത്തിലാണ് ജഗപതി ബാബു പ്രണവിന്റെ പ്രതിനായകനായി എത്തുന്നത്. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂര്‍ നിര്‍മ്മിക്കുന്ന ചിത്രത്തിന്റെ ചിത്രീകരണം ഹൈദരാബാദിൽ പുരോഗമിക്കുകയാണ്. ഇമോഷണല്‍ ത്രില്ലര്‍ സ്വഭാവമുള്ള ചിത്രം ക്രിസ്മസ് റിലീസായി തിയേറ്ററുകളിലെത്തും.
Post Your Comments