ആദിയില്‍ പ്രണവിന് ഇടിച്ചു പറത്താന്‍ വീണ്ടുമൊരു വില്ലന്‍!

മികച്ച പ്രതിനായക നിരയെക്കൊണ്ട് സമ്പന്നമാണ് പ്രണവ് മോഹന്‍ലാലിന്‍റെ കന്നി ചിത്രം ആദി. ജീത്തു ജോസഫ് സംവിധാനം ചെയ്യുന്ന ചിത്രത്തിന്റെ ചിത്രീകരണം ഹൈദരാബാദിൽ പുരോഗമിക്കുകയാണ്. ചിത്രത്തില്‍ ജഗപതി ബാബു വില്ലനായി എത്തുമെന്ന് വാര്‍ത്ത വന്നതിനു പിന്നാലെ മറ്റൊരു ശക്തനായ വില്ലന്‍ കൂടി ആദിയുടെ ഭാഗമാകാന്‍ ഒരുങ്ങുകയാണ്. സഖാവ് എന്ന ചിത്രത്തിലൂടെ ശ്രദ്ധിക്കപ്പെട്ട ടോണീ ലൂക്കയും ചിത്രത്തില്‍ പ്രണവിനു കരുത്തനായ എതിരാളിയാകും. ഇമോഷണല്‍ ത്രില്ലര്‍ ഗണത്തില്‍ എത്തുന്ന ചിത്രത്തില്‍ പാര്‍കൗര്‍ ശൈലിയിലുള്ള വ്യത്യസ്ത അഭ്യാസ പ്രകടനങ്ങളുമായിട്ടാണ് താരപുത്രന്‍ അവതരിക്കുന്നത്.