മമ്മൂട്ടിയുടെ കരിയറിലെ എക്കാലെത്തെയും വലിയ ചിത്രം അണിയറയില്‍ ഒരുങ്ങുന്നു. മമ്മൂട്ടി തന്നെയാണ് ഫേസ്ബുക്ക് പോസ്റ്റിലൂടെ ചിത്രത്തെക്കുറിച്ചുള്ള വാര്‍ത്ത പുറത്തുവിട്ടത്. ചാവേറുകളുടെ ജീവിതകഥ പ്രതിപാദിക്കുന്ന മാമാങ്കം എന്ന ചിത്രത്തിലാണ് മമ്മൂട്ടി നായകനായി അവതരിക്കുന്നത്,
നവാഗതനായ സജീവ്‌ പിള്ളയാണ് ചിത്രത്തിന്റെ സംവിധായകന്‍. ചിത്രത്തിന്റെ രചന നിര്‍വഹിച്ചിരിക്കുന്നതും സംവിധായകന്‍ തന്നെയാണ്. 12 വര്‍ഷത്തെ സൂക്ഷ്മമായ പഠനത്തിനു ശേഷമാണ് ചിത്രത്തിന്റെ തിരക്കഥ അദ്ദേഹം തയ്യാറാക്കിയിരിക്കുന്നത്. ലോകോത്തര നിലവാരമുള്ള ടെക്നീഷ്യന്‍ ടീമും, വമ്പന്‍ താരനിരയും ചിത്രത്തിന്റെ ഭാഗമാകും .
മമ്മൂട്ടിയുടെ വാക്കുകളിലേക്ക്
“എന്റെ കരിയറിലെ ഏറ്റവും വലിയ സിനിമയായിരിക്കും ഇത്, ചാവേറുകളുടെ ജീവിതം മാമാങ്കം എന്ന പേരില്‍ സിനിമയാകുമ്പോള്‍ അതിന്‍റെ ഭാഗമാകാന്‍ കഴിഞ്ഞതില്‍ വലിയ സന്തോഷമുണ്ട്.”
Post Your Comments