നടന്‍ രാഹുല്‍ രവീന്ദ്രന്‍ സംവിധായകനാകുന്നു. ആന്‍ഡല രാക്ഷസി എന്ന ചിത്രത്തിലൂടെ ശ്രദ്ധേയനായ രാഹുല്‍ തന്റെ ആദ്യ സംവിധാന സംരംഭത്തിന് ഇന്നലെ ഹൈദരാബാദ് രാമനായി‍ഡു സ്റ്റുഡിയോസില്‍ തുടക്കമിട്ടു. ചി ലാ സോ എന്നാണ് സിനിമയ്ക്ക് പേരു നല്‍കിയിരിക്കുന്നത്. അതോടൊപ്പം തന്നെ ചിത്രത്തിന്റെ ഫസ്റ്റ് ലുക് പോസ്റ്ററും രാഹുല്‍ തന്റെ ട്വിറ്റര്‍ അക്കൌണ്ടിലൂടെ പുറത്തു വിട്ടിട്ടുണ്ട്.
ഹൈന്ദവാചാരങ്ങളാണ് പോസ്റ്ററിന്റെ ഇതിവൃത്തം. അക്കിനേനി സുശാന്താണ് ചി ലാ സോയിലെ നായകന്‍. റുഹാനി ശര്‍മ്മ നായികയാകുന്ന സിനിമയില്‍ ഒരു പ്രധാന വേഷത്തില്‍ വെണ്ണല കിശോറും എത്തുന്നുണ്ട്. സിരുണി സിനി കോര്‍പിന്റെ ബാനറിലൊരുങ്ങുന്ന ചിലാസോയ്ക്ക് സംഗീതം തയ്യാറാക്കുന്നത് പ്രശാന്ത് വിഹാരിയാണ്.
Post Your Comments