ഓസ്കാര്‍ പുരസ്കാരത്തിലൂടെ മലയാളികളുടെ അഭിമാനമായി മാറിയ സൗണ്ട് എഞ്ചിനീയർ റസൂല്‍ പൂക്കുട്ടി ക്യാമറയ്ക്ക് മുന്നിലേക്ക്. പ്രസാദ് പ്രഭാകർ സംവിധാനം ചെയ്യുന്ന ചിത്രത്തില്‍ റസൂല്‍ പൂക്കുട്ടി നായകനാവുന്നു . ദി സൗണ്ട് സ്റ്റോറി എന്നാണ് ചിത്രത്തിന്റെ പേര്.
ഒരു സൗണ്ട് എഞ്ചിനീയർ തൃശൂർ പൂരത്തിന്റെ വിവിധ ശബ്ദങ്ങള്‍ പകർത്താൻ എത്തുന്നതാണ് ചിത്രത്തിന്റെ പ്രമേയം. ഒരു ഡോക്യുമെന്ററിക്ക് വേണ്ടി ഇക്കഴിഞ്ഞ തൃശൂര്‍ പൂരത്തിന്റെ ശബ്ദലേഖനം റസൂല്‍ പൂക്കുട്ടി നിര്‍വ്വഹിച്ചിരുന്നു. പൂരത്തിന്റെ ശബ്ദപ്രപഞ്ചം പകര്‍ത്തുന്ന റസൂല്‍ പൂക്കുട്ടിയെയാണ് പ്രസാദ് പ്രഭാകര്‍ സിനിമയ്ക്കുവേണ്ടി ചിത്രീകരിച്ചിരിക്കുന്നത്. റസൂല്‍ പൂക്കുട്ടിയായിത്തന്നെയാണ് സിനിമയിലും പ്രത്യക്ഷപ്പെടുന്നത്.
Post Your Comments