ഇളയ ദളപതിയുടെ പുതിയ ചിത്രം ‘മെര്‍സല്‍’ ആഘോഷമാക്കാന്‍ ഒരുങ്ങി ആരാധക സംഘം. അറ്റ്‌ലീ സംവിധാനം ചെയ്യുന്ന മെര്‍സല്‍ വിജയ് ചിത്രത്തിന്‍റെ സ്ഥിരം അവതരണ രീതിയോടെയാണ് ബിഗ്‌ സ്ക്രീനില്‍ എത്തുന്നത്. ചിത്രത്തിന്‍റെ ഫസ്റ്റ് ലുക്ക് പോസ്റ്ററും, ട്രെയിലറും ആരാധകര്‍ ആഘോഷത്തോടെ ഏറ്റെടുത്തിരുന്നു. ദീപാവലി റിലീസായ ചിത്രം ഒക്ടോബര്‍ 18-നാണ് പ്രദര്‍ശനത്തിനെത്തുന്നത്.
വിജയുടെ കേരളത്തിലെ ഏറ്റവും വലിയ റിലീസ് ആകും മെര്‍സല്‍. തലസ്ഥാനമായ തിരുവനന്തപുരത്ത് നാല്‍പ്പതോളം ഷോയും ചിത്രത്തിനുണ്ടാകും, രാവിലെ ആറു മണിക്ക് പലയിടങ്ങളിലും ഫാന്‍സ്‌ ഷോ ആരംഭിക്കും. ഒക്ടോബര്‍ 18ന് റിലീസ് ചെയ്യാനിരുന്ന മോഹന്‍ലാല്‍ ചിത്രം വില്ലന്‍റെ റിലീസ് ഒക്ടോബര്‍ 28-ലേക്ക് മാറ്റിയത് മെര്‍സലിന് കൂടുതല്‍ ഗുണം ചെയ്യും. വില്ലന്‍ വൈകിയെത്തുന്നത് മെര്‍സലിന് കൂടുതല്‍ തിയേറ്റര്‍ ലഭ്യമാകാന്‍ സഹായകമാകും.
Post Your Comments