മലയാളത്തിലെ യുവ താര നിരയില്‍ ശ്രദ്ധേയനായ നിവിന്‍ പോളിക്ക് കൈ നിറയെ ചിത്രങ്ങളാണ്. നിവിൻ പോളിയെ നായകനാക്കി ഗീതു മോഹൻദാസ് സംവിധാനം ചെയ്യുന്ന ചിത്രമാണ് മൂത്തോന്‍. സിനിമ പ്രഖ്യാപിച്ചതു മുതൽ വലിയ പ്രതീക്ഷയിലാണ് ആരാധകർ. ചിത്രത്തിലെ നിവിന്റെ പുതിയ ലുക്കിനും പോസ്റ്ററിനും സോഷ്യല്‍ മീഡിയയില്‍ വലിയ വരവേൽപാണ്‌ കിട്ടിയത്. എന്നാല്‍ പ്രഖ്യാപിച്ചതല്ലാതെ ചിത്രത്തെ കുറിച്ച്‌ പിന്നീട് ഒരു വിവരവും ഇല്ല.
മൂത്തോന്റെ ഷൂട്ടിങ് നീണ്ട് നീണ്ട് പോകാന്‍ കാരണം നിവിന്‍ പോളിയാണെന്നാണ് പുതിയ റിപ്പോര്‍ട്ടുകള്‍. കരാറൊപ്പുവച്ച ചിത്രങ്ങളുമായി തിരക്കിലാണ് നിവിന്‍. അതൊക്കെ പൂര്‍ത്തിയാക്കിയിട്ട് മാത്രമേ മൂത്തോനിലേക്ക് കടക്കാന്‍ സാധിക്കുകയുള്ളൂവെന്നാണ് പുതിയ റിപ്പോര്‍ട്ട്. റോഷന് ആന്‍ഡ്രൂസിന്റെ കായംകുളം കൊച്ചുണ്ണി എന്ന ചിത്രത്തിന്റെ തിരക്കിലാണ് നിവിന്‍. റിച്ചി എന്ന തമിഴ് ചിത്രവും, ഹേ ജൂഡ് എന്ന മലയാള സിനിമയുമാണ് നിവിന്റേതായി റിലീസിന് തയ്യാറെടുക്കുന്ന ചിത്രങ്ങള്‍.
Post Your Comments