റിലീസിന് തയ്യാറെടുക്കുന്ന മോഹന്‍ലാല്‍- ബി ഉണ്ണികൃഷ്ണന്‍ ചിത്രം വില്ലന്റെ വിശേഷങ്ങള്‍ ഫേസബുക്ക് ലൈവിലൂടെ പങ്കുവച്ച് ചിത്രത്തിന്‍റെ സംവിധായകന്‍ ബി. ഉണ്ണികൃഷ്ണന്‍. സംഘട്ടന രംഗങ്ങള്‍ക്ക് പ്രാധാന്യം നല്‍കി ഒരുക്കുന്ന ആക്ഷന്‍ ത്രില്ലര്‍ ആണ് വില്ലന്‍. മോഹന്‍ലാല്‍ മാത്യൂ മാഞ്ഞൂരാന്‍ എന്ന പോലീസ് ഉദ്യോഗസ്ഥനായി എത്തുന്ന ചിത്രത്തില്‍ മഞ്ജു വാര്യരാണ് നായിക. തമിഴ് താരം വിശാലും, ഹന്‍സികയുമാണ് ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
ബി ഉണ്ണികൃഷ്ണന്‍റെ വാക്കുകളിലേക്ക്
“വില്ലന്റെ അവസാനഘട്ട ഡിഐ വർക്കുകളിലാണ് ഞങ്ങളിപ്പോൾ, ആദ്യ പകുതി കഴിഞ്ഞു, രണ്ടാം പകുതി മുന്നേറുകയാണ്. മൂന്ന് നാലു ദിവസത്തിനുള്ളിൽ സെന്സറിംഗിന് സമർപ്പിക്കാൻ കഴിയുമെന്നാണ് പ്രതീക്ഷ.രണ്ടു മണിക്കൂര്‍ പതിനെട്ട് മിനിറ്റാണ് ചിത്രത്തിന്‍റെ ദൈര്‍ഘ്യം, ഇത് വളരെ വ്യതസ്തത പുലര്‍ത്തുന്ന സിനിമയാണോ എന്ന് ഞാനല്ല പറയേണ്ടത് കണ്ടിട്ട് നിങ്ങളാണ് വിലയിരുത്തേണ്ടത്. ഷൂട്ട്‌ ചെയ്ത വിഷ്വലുകൾ 2kയിലേക്കും 4 k യിലേക്കും കൺവെർട് ചെയ്തപ്പോൾ നല്ല ഔട്പുട്ട് ആണ് ലഭിച്ചത്”.
Post Your Comments