സൗബിന്‍ ഷാഹിറിന്റെ പറവ ഗംഭീര വിജയം നേടി മുന്നേറുന്ന അവസരത്തില്‍ ആ ചിത്രത്തില്‍ താരങ്ങളാകുന്നത് മട്ടാഞ്ചേരി സ്വദേശികളായ.അമല്‍ ഷായും, ഗോവിന്ദുമാണ്. പത്താം ക്ലാസില്‍ പഠിക്കുന്ന ഗോവിന്ദിന്‍റെയും, പ്ലസ്ടുവിന് പഠിക്കുന്ന അമല്‍ ഷായുടെയും സ്വഭാവ രീതിയിലുമുണ്ട് ഒട്ടേറെ പ്രത്യേകതകള്‍,ഇവരുടെ ആ പ്രത്യേകതയാണ് സൗബിനെ ആകര്‍ഷിച്ചതും, ചിക്കന്‍ ഫ്രൈയും പോക്കറ്റിലിട്ടു സൈക്കിള്‍ ചവിട്ടി വീട്ടിലേക്കു പോയ അമല്‍ ഷാ അപ്രതീക്ഷിതമായാണ് സൗബിന്റെ മുന്നില്‍ വന്നുപ്പെട്ടത്. സൈക്കിളില്‍ അഭ്യാസം കാണിച്ചു കൊണ്ടായിരുന്നു അമലിന്‍റെ സഞ്ചാരം, ഇത് കണ്ടു അമലിനെ പിന്തുടര്‍ന്ന സൗബിന്‍ അവനെ പിടികൂടി, അവനോട് വീട്ടിലെ ഫോണ്‍ നമ്പര്‍ തരാമോ എന്നും ചോദിച്ചു, കല്യാണ വീട്ടില്‍ നിന്നു ചിക്കന്‍ കൈക്കലാക്കിയതിന് തന്നെ പിടികൂടിയതാണ് എന്നായിരുന്നു അമല്‍ കരുതിയത്, അതിനാല്‍ ബുദ്ധിപൂര്‍വ്വം വീട്ടിലെ നമ്പര്‍ പറഞ്ഞു കൊടുക്കാതെ തന്‍റെ ഫോണ്‍ നമ്പര്‍ തരാം എന്നായി അമല്‍, എല്‍ദോയെ സിനിമയിലെടുത്ത പോലെ അന്ന് വൈകുന്നേരം തന്നെ സൗബിന്‍ അമലിനയും സിനിമയിലെടുത്തു.
Post Your Comments