ബോളിവുഡ് താര സുന്ദരി പ്രിയങ്ക ചോപ്ര സോഷ്യൽ മീഡിയയിലൂടെ പങ്കുവെച്ചൊരു വീഡിയോയാണിപ്പോൾ വൈറൽ ആയികൊണ്ടിരിക്കുന്നത് .പ്രൊഫഷണൽ നെറ്റ് വർക്കിംഗ് സൈറ്റായ ‘ലിങ്ക് ഇൻ ‘ന് വേണ്ടി നാലു കുട്ടികൾ പ്രിയങ്കയുമായി നടത്തിയ അഭിമുഖമാണ് വിഡിയോയില്‍ .യുണിസെഫിന്‍റെ അംബാസിഡർ കൂടിയായ പ്രിയങ്കയ്ക്ക് ‘ലിങ്ക്ഡ് ഇൻ പവർ ‘ പുരസ്‌കാരം നൽകിക്കൊണ്ടാണ് കുട്ടികൾ താരത്തെ ഇന്റർവ്യൂ ചെയ്തത്.
ജീവിതത്തിൽ ആദ്യമായിട്ടാണ് ഇത്തരം കുഴപ്പിക്കുന്ന ഒരു ഇന്റർവ്യൂ നേരിടേണ്ടി വന്നതെന്ന അടിക്കുറിപ്പോടെയാണ്‌ പ്രിയങ്ക വീഡിയോ ഷെയർ ചെയ്തത്.എങ്ങനെയാണ് ഒരു പവർ ഫുൾ പ്രൊഫൈൽ സ്വന്തമാക്കിയതെന്നായിരുന്നു ആദ്യത്തെ ചോദ്യം.
2000 ത്തിൽ പ്രിയങ്ക മിസ് വേൾഡ് കിരീടം സ്വന്തമാക്കിയപ്പോൾ ധരിച്ചിരുന്ന വസ്ത്രം തനിക്ക് ഏറെ ഇഷ്ടമായിരുന്നെന്നും അന്നത്തെ കിരീടം എന്തുകൊണ്ടാണ് കൈവശം സൂക്ഷിക്കാഞ്ഞതെന്നുമാണ് മറ്റൊരാൾക്ക് അറിയേണ്ടത്. കൗതുകകരമായ ആ ചോദ്യത്തിന് കുട്ടിയോട് നന്ദി പറയുന്നതിനോടൊപ്പം മിസ് വേൾഡ് കിരീടം യഥാർത്ഥ വജ്രം കൊണ്ടും സഫയർ കൊണ്ടും നി ർമ്മിച്ചതാണെന്നും ഒരോ വർഷവും സുന്ദരിമാരുടെ ശിരസിൽ അണിയിക്കുന്നത് ആ കിരീടം തന്നെയാണെന്നും താരം പറഞ്ഞു.ഇത്തരത്തിൽ നിരവധി ചോദ്യങ്ങൾകൊണ്ട് പ്രിയങ്കയെ കുഴപ്പിക്കുന്ന രംഗങ്ങളും വിഡിയോയിൽ കാണാം.
Post Your Comments