ഷാഫി- ബിജു മേനോന്‍ ടീമിന്‍റെ ഷെര്‍ലക് ടോംസ് ഇന്ന് പ്രദര്‍ശനത്തിനെത്തി. രക്ഷാധികാരി ബൈജു എന്ന ചിത്രത്തിന് ശേഷം തിയേറ്ററില്‍ എത്തുന്ന ബിജു മേനോന്‍ ചിത്രമെന്ന നിലയ്ക്ക് പ്രേക്ഷകര്‍ ഏറെ പ്രതീക്ഷകളോടെയാണ് ചിത്രം കാണാന്‍ ഈ പൂജ അവധി ദിനത്തില്‍ തിയേറ്ററില്‍ എത്തിയത്, ടൂ കണ്ട്രീസിനു ശേഷം ഷാഫി അണിയിച്ചൊരുക്കുന്ന ചിത്രം ഹ്യൂമര്‍ മൂഡിലാണ് അവതരിപ്പിച്ചിരിക്കുന്നത്.
ചിത്രത്തിന് സമ്മിശ്ര പ്രതികരണമാണ് തിയേറ്ററില്‍ നിന്നു ലഭിക്കുന്നത്. ബിജു മേനോന്റെ സ്ഥിരം നമ്പരുകളുമായി എത്തുന്ന ചിത്രം ഒറ്റത്തവണ കാണാം എന്ന അഭിപ്രായമാണ് ചില പ്രേക്ഷകര്‍ പങ്കുവച്ചത്. ഭേദപ്പെട്ട എന്റര്‍ടെയ്നര്‍ ആണെന്നും വരും ദിവസങ്ങളില്‍ ചിത്രത്തിന് മികച്ച പ്രേക്ഷക പിന്തുണ ലഭിക്കുമെന്നുമായിരുന്നു ചിലരുടെ പ്രതികരണം.
പ്രേം മേനോന്‍ നിര്‍മ്മിക്കുന്ന ചിത്രം ഷാഫി, സച്ചി, നജിം കോയ എന്നിവര്‍ ചേര്‍ന്നാണ് എഴുതിയിരിക്കുന്നത്. മിയ നായികായി എത്തുന്ന ചിത്രത്തില്‍ ശ്രിന്ദ, സലിം കുമാര്‍, റാഫി, വിജയരാഘവന്‍ എന്നിവരാണ് മുഖ്യ കഥാപാത്രങ്ങളായി എത്തുന്നത്.ചിത്രം കേരത്തിലെ നൂറോളം കേന്ദ്രങ്ങളില്‍ റിലീസ് ചെയ്തിരുന്നു.
Post Your Comments