കൊല്ലം ; ആദ്യ ഷോയ്ക്ക് ശേഷം മികച്ചതെന്നു റിപ്പോര്‍ട്ട് വന്നതോടെ എല്ലാ കണ്ണുകളും ദിലീപ് ചിത്രം രാമലീലയ്ക്കൊപ്പമായിരുന്നു,കേരളത്തില്‍ 120 ഓളം കേന്ദ്രങ്ങളില്‍ രാമലീല റിലീസ് ചെയ്തപ്പോള്‍ മഞ്ജു ചിത്രം ഉദാഹരണം സുജാതയ്ക്ക് 60 കേന്ദ്രങ്ങള്‍ മാത്രമാണ് ലഭിച്ചത്, നവാഗതനായ ഫാന്‍റം പ്രവീണ്‍ സംവിധാനം ചെയ്തിരിക്കുന്ന ഉദാഹരണം സുതായുടെ രചതിയാവ് യുവനിരയിലെ ശ്രദ്ധേയ എഴുത്തുകാരന്‍ നവീന്‍ ഭാസ്കറാണ്.
കുടുംബ പ്രേക്ഷര്‍ക്ക് ഏറെ ഇഷ്ടമാകുന്ന തരത്തിലാണ് ഉദാഹരണം സുജാത അവതരിപ്പിച്ചിരിക്കുന്നതെന്നാണ് പ്രേക്ഷകരുടെ അഭിപ്രായങ്ങളില്‍ നിന്നു അറിയാന്‍ കഴിഞ്ഞത്, വളരെ റിയലസ്റ്റിക് ആയി പറഞ്ഞു പോരുന്ന കഥയില്‍ തലസ്ഥാന നഗരിയുടെ മനോഹാരിത ക്യാമറയില്‍ നന്നായി ഒപ്പിയെടുത്തിട്ടുണ്ടെന്നും, ചിത്രത്തിലെ മഞ്ജുവും, മകളും സിനിമാ കഴിഞ്ഞാലും മനസ്സില്‍ നിന്നു മായില്ലെന്നുമായിരുന്നു ഒരുവിഭാഗം പ്രേക്ഷകരുടെ പ്രതികരണം.
സുജതായായി എത്തിയ മഞ്ജു വാര്യരുടെ പ്രകടനം വിസ്മയിപ്പിക്കുന്നതാണെന്ന് ചിത്രം കണ്ടിറങ്ങിയ മറ്റു ചില പ്രേക്ഷകരും അഭിപ്രായപ്പെട്ടു,
ഇന്ന് കണ്ട രണ്ടു സിനിമകളും മികച്ചതെന്നായിരുന്നു ചിലരുടെ പ്രതികരണം. രാമലീലയും, ഉദാഹരണം സുജാതയും പോലെ ശക്തമായ കഥകളുള്ള സിനിമകളാണ് മലയാളത്തില്‍ വേണ്ടതെന്നും കൊല്ലം ധന്യ-രമ്യ തിയേറ്ററില്‍ നിന്നു സിനിമ കണ്ടിറങ്ങിയ ഫാമിലി പ്രേക്ഷകര്‍ ഈസ്റ്റ്‌ കോസ്റ്റ് മൂവിസിനോട് പ്രതികരിച്ചു.
Post Your Comments