ഇത് അപ്പയ്ക്ക് അപമാനം : നടൻ പ്രഭു ,സർക്കാരിന് കത്തയച്ച് ശിവാജി കുടുംബം

അങ്ങനെ വിശേഷങ്ങളും നേടിയ പുരസ്‌കാരങ്ങളും പറഞ്ഞാൽ തീരുന്നതല്ല.എന്നാലിന്ന് ആ മഹാനടന് അദ്ദേഹം അർഹിക്കുന്ന ആദരവ് ലഭിക്കുന്നില്ല എന്ന പരാതിയുമായി എത്തിയിരിക്കുകയാണ് അദ്ദേഹത്തിന്റെ മകനും നടനുമായ പ്രഭുവും കുടുംബാംഗങ്ങളും. ജയലളിതയുടെ എറ്റവും വലിയ സ്വപ്നമായ ശിവാജി ഗണേശൻ്റെ സ്മാരകത്തിന് നിലവിലെ തമിഴ്നാട് സര്‍ക്കാര്‍ വിലകൽപിക്കുന്നില്ല എന്ന് ആരോപിച്ച് തമിഴ് നാട് സർക്കാരിന് പ്രഭുവും കുടുംബവും കത്തയച്ചിരിക്കുകയാണ്.

2001 ജൂലൈ 21നാണ് ശിവാജി ഗണേശൻ ഓർമയായത് .അദ്ദേഹത്തിൻ്റെ ജന്മദിനമായ ഒക്ടോബര്‍ ഒന്നിനാണ് അഡയാറിൽ സ്മാരക അനാച്ഛാദനം നടക്കുന്നത്.തമിഴ്നാട് മുഖ്യമന്ത്രിയും ഉപമുഖ്യമന്ത്രിയും തമിഴ്നാട് സിനിമ ചരിത്രത്തിലെ ഐതിഹാസിക നടനായ ശിവാജി ഗണേശൻ്റെ സ്മാരക ഉദ്ഘാടനത്തിന് എത്തുന്നില്ല എന്നത് ഏറെ വേദനാജനകമാണെന്നും തമിഴ് ഭാഷയുടെയും സംസ്കാരത്തിൻ്റെയും ഉയർച്ചയ്ക്ക് വേണ്ടി പരിശ്രമിച്ച അദ്ദേഹത്തെപ്പോലൊരു നടന്റെ സ്മാരക അനാച്ഛാദനം വളരെ ചെറിയൊരു പരിപാടിയായി നടത്തുന്നത് അദ്ദേഹത്തോടുള്ള അനാദരവാണെന്നും കത്തിൽ പ്രഭു ചൂണ്ടിക്കാട്ടുന്നു.