തമിഴ് സിനിമാ ലോകത്ത് വിജയ് സേതുപതിയോളം പരീക്ഷണ ചിത്രങ്ങള്‍ ചെയ്യുന്ന മറ്റൊരു നടനുണ്ടാവില്ല, മറ്റുള്ള നടന്‍മാരൊക്കെ സ്ഥിരം പാറ്റെണിലുള്ള മാസ് മസാല സിനിമകള്‍ ചെയ്യുമ്പോള്‍ അഭിനയ സാധ്യതയുള്ള ശക്തമായ വേഷങ്ങള്‍ ചെയ്തു കൈയ്യടി നേടുകയാണ്‌ വിജയ് സേതുപതി, പുതിയ ചിത്രമായ ‘ഒരു നല്ല നാള്‍ പാത്തുസൊള്‍റെന്‍’ എന്ന ചിത്രത്തിന്‍റെ ഫസ്റ്റ് ലുക്ക് പോസ്റ്ററില്‍ കാലന്റെ വേഷത്തിലാണ് വിജയ് സേതുപതി പ്രത്യക്ഷപ്പെട്ടിരിക്കുന്നത്. ഏറെ വ്യത്യസ്തമായ പ്രമേയം കൈകാര്യം ചെയ്യുന്ന ചിത്രത്തില്‍ വിജയ് സേതുപതിയുടെ കഥാപാത്രം പ്രേക്ഷകരെ ഞെട്ടിക്കുമെന്നത് തീര്‍ച്ചയാണ്. അറുമുഖ കുമാര്‍ സംവിധാനം ചെയ്യുന്ന ചിത്രം അടുത്ത വര്‍ഷത്തോടെയാകും തിയേറ്ററില്‍ എത്തുക. വിജയ് സേതുപതിയ്ക്കൊപ്പം ഗൗതം കാര്‍ത്തിക്കും ചിത്രത്തില്‍ ഒരു പ്രധാന വേഷം അവതരിപ്പിക്കുന്നുണ്ട്.
Post Your Comments