പോക്കിരി സൈമണ്‍ മോശമാണെന്ന തരത്തില്‍ വ്യാജ പ്രചരണം നടത്തുന്നവര്‍ക്കെതിരെ സംവിധായകന്‍ ഒമര്‍ ലുലു. തന്‍റെ ഫേസ്ബുക്ക് കുറിപ്പിലാണ് ജിജോ ആന്റണി സംവിധാനം ചെയ്ത പോക്കിരി സൈമണിനെക്കുറിച്ച് ഒമര്‍ ലുലു പങ്കുവച്ചത്. സിനിമ കണ്ടിരുന്നുവെന്നും, ഒരു കളര്‍ഫുള്‍ ഫിലിം കണ്ട പ്രതീതിയായിരുന്നുവെന്നും ഒമര്‍ സോഷ്യല്‍ മീഡിയയില്‍ പങ്കുവച്ചു.
ചിത്രം ഹൗസ്ഫുളായിരുന്നെന്ന് വ്യക്തമാക്കിയ ഒമര്‍ ചിത്രത്തിന് നെഗറ്റിവ് പബ്ലിസിറ്റി നല്‍കുന്നവരെ പരിഹസിക്കാനും മറന്നില്ല, ഒമറിന്റെ ചങ്ക്സ് എന്ന ചിത്രം ഇറങ്ങിയ സമയത്തും സമാനമായ സംഭവം ഉണ്ടായിരുന്നു.
സണ്ണി വെയ്ന്‍ നായകനായി എത്തിയ പോക്കിരി സൈമണ്‍ മികച്ച അഭിപ്രായത്തോടെയാണ് മുന്നേറുന്നത്. വിജയ്‌ ആരാധകന്റെ കഥ പറയുന്ന പോക്കിരി സൈമണ്‍ ജിജോയുടെ മൂന്നാം ചിത്രമാണ്. തിയേറ്ററില്‍ ഉത്സവ പ്രതീതിയുണ്ടാക്കുന്ന മറ്റൊരു ഘടകം ചിത്രത്തിലെ അടടാ അടീങ്കടാ എന്ന് തുടങ്ങുന്ന ഗാനമാണ്. ഗോപി സുന്ദര്‍ ഈണമിട്ടിരിക്കുന്ന ചിത്രത്തിലെ ഗാനങ്ങള്‍ വിതരണത്തിനെടുത്തിട്ടുള്ളത് ഈസ്റ്റ്‌ കോസ്റ്റ് ഓഡിയോസാണ്.
Post Your Comments