ബിജു മേനോന്‍- ഷാഫി ടീമിന്‍റെ ചിത്രം ഷെര്‍ലക് ടോംസ് റിലീസ് ചെയ്യാനിരിക്കെ ചിത്രത്തിന്‍റെ ട്രെയിലറിന്റെ തുടക്ക ഭാഗത്ത് പറയുന്ന സംഭാഷണം സോഷ്യല്‍ മീഡിയയില്‍ വൈറലായിരിക്കുകയാണ്. നടിയെ ആക്രമിച്ച കേസുമായി ബന്ധപ്പെട്ടു അന്വേഷണം നടത്തുന്ന പോലീസ് ഉദ്യോഗസ്ഥര്‍ക്കിട്ട് നൈസായി ട്രോളുകയാണ് ചിത്രത്തിന്‍റെ അണിയറ ടീം എന്നാണ് പ്രേക്ഷകരുടെ വിലയിരുത്തല്‍.
“നിങ്ങളിപ്പോള്‍ എവിടെയാ”? എന്ന പോലീസ് ഉദ്യോഗസ്ഥന്‍റെ ചോദ്യത്തിനാണ് ബിജു മേനോന്‍ രസകരമായ മറുപടി നല്‍കുന്നത്. പറയാന്‍ മനസില്ലെന്നും വേണേല്‍ ടവര്‍ ലൊക്കേറ്റ് ചെയ്തു കണ്ടുപിടിക്കൂ എന്നുമാണ് ബിജുമേനോന്‍ നല്‍കുന്ന മറുപടി.
പോലീസുകാരോടുള്ള ബിജുമേനോന്റെ ഈ രസികന്‍ മറുപടി ട്രോളര്‍മാര്‍ ഏറ്റെടുത്തു കഴിഞ്ഞു, നടി ആക്രമിച്ച കേസുമായി ബന്ധപ്പെട്ടു ദിലീപിനെതിരെ പോലീസ് നിരത്തുന്ന പ്രധാന തെളിവുകളില്‍ പള്‍സര്‍ സുനിയുമായി ഫോണില്‍ ബന്ധപ്പെട്ട ടവര്‍ ലൊക്കേഷന്‍റെ കാര്യമാണ് പരാമര്‍ശിക്കപ്പെടുന്നത്. കേസിന്റെ തുടക്കം മുതല്‍ പറയുന്ന അന്വേഷണ ഉദ്യോഗസ്ഥരുടെ ഈ വാദത്തെ ജനങ്ങള്‍ അവിശ്വസിക്കുന്ന തരത്തിലേക്കാണ് കാര്യങ്ങള്‍ പോകുന്നത്. “ഇതെന്താണ് സിനിമാക്കഥയാണോ”?, എന്ന ചോദ്യവുമായി കോടതിയും അന്വേഷണ സംഘത്തെ വിമര്‍ശിച്ചിരുന്നു.
Post Your Comments