മമ്മൂട്ടിയെ നായകനാക്കി രഞ്ജിത്ത് സംവിധാനം ചെയ്ത പുത്തന്‍ പണം ബോക്സോഫീസില്‍ വലിയ ദുരന്തം ഏറ്റുവാങ്ങിയ ചിത്രമായിരുന്നു, ഒരു രീതിയിലും പ്രേക്ഷകര്‍ക്കിടയില്‍ സ്വീകര്യതയുണ്ടാക്കാന്‍ ചിത്രത്തിന് സാധിച്ചില്ല. പുത്തന്‍ പണത്തിന്റെ പരാജയത്തിനു ശേഷം രഞ്ജിത്ത് അധികം ഇടവേളയെടുക്കാതെയാണ് തന്‍റെ പുതിയ ചിത്രം പ്രഖ്യാപിച്ചിരിക്കുന്നത്.
വര്‍ണ ചിത്രയുടെ ബാനറില്‍ മഹാസുബൈര്‍ നിര്‍മ്മിക്കുന്ന ‘ബിലാത്തിക്കഥ’ പേരിട്ടിരിക്കുന്ന രഞ്ജിത്ത് ചിത്രത്തില്‍ മമ്മൂട്ടിയും അഭിനയിക്കുമെന്നാണ് റിപ്പോര്‍ട്ട്, എന്നാല്‍ നായക കഥാപാത്രത്തെയല്ല മമ്മൂട്ടി അവതരിപ്പിക്കുക. ചിത്രത്തില്‍ അതിഥി താരമായി മമ്മൂട്ടി എത്തുന്നുവെന്നാണ് വിവരം. പൂര്‍ണ്ണമായും ലണ്ടനില്‍ ചിത്രീകരിച്ചിരിക്കുന്ന ചിത്രത്തിന്‍റെ തിരക്കഥ സേതുവിന്‍റെതാണ്. രഞ്ജിത്ത് തന്നെയാണ് ചിത്രത്തിന് സംഭാഷണം എഴുതുന്നത്.
മണിയന്‍ പിള്ള രാജുവിന്റെ മകന്‍ നിരജ്ജ് നായകനായി അഭിനയിക്കുന്ന ബിലാത്തിക്കഥയില്‍ നായികയായി അഭിനയിക്കുന്നത് അനുസിത്തരയാണ്. ചിത്രത്തിന്‍റെ ചിത്രീകരണം ഉടന്‍ ലണ്ടനില്‍ ആരംഭിക്കും.
Post Your Comments