മോഹൻലാലിൻറെ ദൃശ്യം എന്ന സിനിമയിലൂടെ കടന്നു വന്ന അൻസിബ ഹസൻ നായികയാകുന്ന പുതിയ ബിഗ് ബജറ്റ് ചിത്രമാണ് ‘ഒരു തെക്കൻ കാവ്യം’. ശ്രീകാന്ത് വിജയ് ആണ് ചിത്രത്തിന്റെ സംവിധായകൻ .സിനിമകളുടെയും പരസ്യ ചിത്രങ്ങളുടെയും നിർമാണ രംഗത്ത് സജീവസാന്നിധ്യമായ സാഗരം ഫിലിം കന്പനി,ദേവകന്യാ പ്രൊഡക്ഷൻസുമായി ചേർന്നാണ് ബിഗ് ബജറ്റിൽ ഒരു തെക്കൻ കാവ്യം നിർമ്മിക്കുന്നത്.
ഷിജിൻലാൽ, കവിത അനിൽ എന്നിവരാണ് നിർമാതാക്കൾ. ഫായിസ് ഉമ്മറാണ് ചിത്രത്തിന്റെ രചയിതാവ്. എ.ആർ റഹ്മാന്‍റെ അസോസിയേറ്റായിരുന്ന എം.എസ് ഷെയ്ക്ക് ഇല്ലാഹി സംഗീത സംവിധാനം നിർവഹിക്കുന്നു. വയലാർ ശരത് ചന്ദ്ര വർമ്മയാണ് ഗാനരചയിതാവ്. ഇന്ത്യൻ സിനിമാട്ടോഗ്രാഫർമാരിൽ പ്രമുഖനായ ആൻജിയാണ് ഛായാഗ്രഹണം നിർവഹിക്കുന്നത്.
അൻസിബയ്ക്കൊപ്പം അർച്ചനയും ചിത്രത്തിൽ ശക്തമായ കഥാപാത്രങ്ങളെ അവതരിപ്പിക്കുന്നു. ആദി, വിനോദ് ബോസ്, ആനന്ദ് ഭൈരവ്, ശശി കലിംഗ, മോളി, കൊച്ചുപ്രേമൻ, ജോബി പാലാ, സുനിൽ സുഖദ എന്നിവരും ചിത്രത്തിലുണ്ട്.
Post Your Comments