ആര്‍. കെ സ്റ്റുഡിയോയിലെ തീപിടിത്തത്തില്‍ നശിച്ചത് മുന്‍കാല ബോളിവുഡ് താരം രാജ്കപൂറിന്റെ സ്മാരകങ്ങള്‍ . ശനിയാഴ്ചയാണ് ആര്‍. കെ സ്റ്റുഡിയോയില്‍ തീ പടര്‍ന്നത്. നടന്‍, സംവിധായകന്‍, നിര്‍മാതാവ് എന്നീ നിലകളില്‍ പ്രശസ്തനായ മുന്‍കാല ബോളിവുഡ് താരം രാജ്കപൂറാണ് ആര്‍ കെ സ്റ്റുഡിയോ സ്ഥാപിച്ചത്. കെട്ടിടത്തിന്റെ താഴത്തെ നിലയിലാണ് തീപിടിച്ചത്.
രാജ് കപൂറിന്‍്റെ സ്മാരകമായി സൂക്ഷിച്ചിരുന്ന അദ്ദേഹത്തിന്‍്റെ മേരേ നാം ജോക്കര്‍ എന്ന ചിത്രത്തിലെ വസ്ത്രങ്ങളും മാസ്കും കത്തി നശിച്ചു. റിഷി കപൂറാണ് തീ പിടിത്തത്തില്‍ രാജ് കപൂറിന്റെ സ്മാരകങ്ങള്‍ നഷ്ടപ്പെട്ടെന്ന് സ്ഥിരീകരിച്ചത്.
സോണി എന്റര്‍ടെയിന്‍മെന്റ് ടെലിവിഷനിലെ സെറ്റിലായിരുന്നു തീപിടിത്തം. ശനിയാഴ്ച ആയിരുന്നതിനാല്‍ പരിപാടിയുടെ അണിയറ പ്രവര്‍ത്തകര്‍ ആരും തീപിടിത്തമുണ്ടായ സമയത്ത് അവിടെ ഉണ്ടായിരുന്നില്ല.
Post Your Comments