രാമലീലയെ വരവേല്‍ക്കാന്‍ ദിലീപ് ഫാന്‍സ്‌ ഒരുങ്ങിക്കഴിഞ്ഞു. നടി ആക്രമിക്കപ്പെട്ട കേസില്‍ കുറ്റാരോപിതനായി ജയിലില്‍ കഴിയുന്ന താരത്തിന്‍റെ ഇമേജിന് യാതൊരു ഇടിവും സംഭവിക്കാത്ത വിധമാണ് ഫാന്‍സ്‌ അസോസിയേഷന്‍ ആഘോഷ പരിപാടി സംഘടിപ്പിക്കുന്നതെന്നതും ശ്രദ്ധേയമാണ്. തലസ്ഥാനമടക്കമുള്ള മിക്ക കേന്ദ്രങ്ങളിലും ചിത്രത്തിന്‍റെ പ്രദര്‍ശനം പുലര്‍ച്ചെ ആരംഭിക്കും. മുളകുപാടം ഫിലിംസിന്‍റെ ബാനറില്‍ ടോമിച്ചന്‍ മുളകുപാടം നിര്‍മ്മിക്കുന്ന ചിത്രം സംവിധാനം ചെയ്യുന്നത് നവാഗതനായ അരുണ്‍ ഗോപിയാണ്. സച്ചി തിരക്കഥ രചിക്കുന്ന ചിത്രം പൊളിറ്റിക്കല്‍ ത്രില്ലര്‍ ആണ്.
ദിലീപിനൊപ്പം രാധിക ശരത്കുമാറും മുഖ്യ വേഷത്തിലെത്തുന്ന ചിത്രത്തില്‍ വലിയ താരനിരയാണ് അണിനിരക്കുന്നത്. സമീപകാല ദിലീപ് ചിത്രങ്ങളില്‍ നിന്നു ഏറെ വ്യത്യസ്തമായ പ്രമേയം കൈകാര്യം ചെയ്യുന്ന രാമലീല ദിലീപ് എന്ന നടന്‍റെ അഭിനയ സാധ്യതകളെ കൂടി പ്രയോജനപ്പെടുത്തുന്ന ചിത്രമായിരിക്കും എന്നാണ് പ്രേക്ഷക വിശ്വാസം.
Post Your Comments