കാളിദാസ് ജയറാം നായകനാകുന്ന തമിഴ് ചിത്രം ഒരു പക്കാ കഥൈ റിലീസിന് തയ്യാറാകുന്നു. കാളിദാസ് നായകനാകുന്ന രണ്ടാമത്തെ ചിത്രമാണിത്. ബാലാജി തറനേതരനാണ് ചിത്രം സംവിധാനം ചെയ്യുന്നത്.
ഈ ചിത്രത്തിന് സെന്‍സര്‍ ബോര്‍ഡില്‍ നിന്ന് ഒരുപാട് വിമര്‍ശങ്ങള്‍ ലഭിച്ചിരുന്നു. ചിത്രത്തില്‍ ഉപയോഗിച്ചിരിക്കുന്ന ‘ഇന്റര്‍ കോഴ്സ് ‘ എന്ന വാക്ക് മാറ്റണമെന്നായിരുന്നു ബോര്‍ഡിന്റെ വാദം. ഇത് നിര്‍മ്മാതാക്കള്‍ കര്‍ശനമായി എതിര്‍ത്തിരുന്നു. മാസങ്ങളായുള്ള പോരാട്ടത്തിന് ശേഷം ചിത്രത്തിന് ‘യൂ’ സര്‍ട്ടിഫിക്കറ്റ് ലഭിച്ചിരിക്കുകയാണ്. നീക്കണമെന്ന് ബോര്‍ഡ് ആവിശ്യപെട്ട വാക്ക് ചിത്രത്തില്‍ നിലനിര്‍ത്തിയിട്ടുണ്ട്. ഒരു പക്കാ കഥൈയില്‍ കാളിദാസ് ജയറാം, മേഘ ആകാശ് എന്നിവര്‍ പ്രധാന വേഷങ്ങളില്‍ എത്തുന്നു.
പി വി ചന്ദ്രമൗലി, ജീവാ രവി, ലക്ഷ്മി പ്രിയ മേനോന്‍, മീന എന്നിവരാണ് ചിത്രത്തിലെ മറ്റ് കഥാപാത്രങ്ങള്‍. വാസന്‍സ് വിഷ്വല്‍ വെഞ്ചേഴ്സിന്റെ ബാനറില്‍ കെ.എസ് ശ്രീനിവാസനാണ് ചിത്രം നിര്‍മ്മിച്ചിരിക്കുന്നത്. ചിത്രം ഉടന്‍ തന്നെ തിയേറ്ററുകളില്‍ എത്തുമെന്നാണ് പുതിയ റിപ്പോര്‍ട്ടുകള്‍.
Post Your Comments