മോഹന്‍ലാലിനെ നായകനാക്കി ബി.ഉണ്ണികൃഷ്ണന്‍ സംവിധാനം ചെയ്യുന്ന ബിഗ് ബഡ്ജറ്റ് ചിത്രമാണ് വില്ലന്‍. ചിത്രത്തില്‍ മോഹന്‍ലാലിന്റെ ഭാര്യയായാണ് മഞ്ജു പ്രത്യക്ഷപ്പെടുന്നത്. ലാലേട്ടനോടൊപ്പം അഭിനയിക്കുന്നത് എനിക്ക് വലിയൊരു ഭാഗ്യമാണ് ഈ സിനിമയിലൂടെ കാത്തിരിക്കുന്നുത്. ലാലേട്ടനോടൊപ്പം അഭിനയിക്കുന്നത് എന്നും മതിവരാത്തൊരു ഭാഗ്യമാണെന്നും മഞ്ജു പറഞ്ഞു. കഴിഞ്ഞ ദിവസം കൊച്ചിയില്‍ വെച്ച് നടന്ന വില്ലന്റെ ഓഡിയോ റിലീസിനിടെ സംസാരിക്കുകയായിരുന്നു താരം.
മലയാളത്തിന്റെ താര രാജാവ് മോഹന്‍ലാലും വില്ലനിലെ കഥാപാത്ര വിശേഷങ്ങള്‍ പങ്കുവച്ചു. ‘ഇതുവരെ അഭിനയിച്ച വ്യത്യസ്ത കഥാപാത്രങ്ങളിലൊന്നാണ് വില്ലനിലെ കഥാപാത്രം. വളരെ പ്രത്യേകതകളുമുണ്ട് ചിത്രത്തിലെ നായകന്. ഇത്തരത്തിലുള്ള കഥാപാത്രം ചെയ്യുന്നത് ഇതാദ്യമായായിരിക്കാം. ചിത്രത്തെ കുറിച്ച് ഒരു തരത്തിലുള്ള അവകാശ വാദവും ഉന്നയിക്കുന്നില്ല. പുതിയ പ്രൊഡക്ഷന്‍ കമ്പനി മലയാള സിനിമയില്‍ തുടക്കം കുറിക്കുകയാണ്. അവരെ സ്വാഗതം ചെയ്യുന്നു’-മോഹന്‍ലാല്‍ പറഞ്ഞു.
Post Your Comments