സ്റ്റേജിലൂടെ ഒഴുകുന്ന നദി കൊടുംകാട് അങ്ങനെ എന്തും ഒരുക്കിത്തരുന്ന ഇവന്റ് മാനേജ്‌മെന്റിനും ന്യൂ ജനറേഷൻ കല്യാണത്തിനും പിന്നില്‍ ഒരു നടന്‍

വീട്ടുമുറ്റത്തും അമ്പലമുറ്റത്തും കല്യാണ പന്തൽ ഒരുക്കുന്ന രീതിയൊക്കെ മാറി .കാശുണ്ടെങ്കിൽ ഒരു ഓഡിറ്റോറിയം ബുക്ക് ചെയ്‌ത്‌ ഇവന്റ് മാനേജ്‌മെന്റിനെ ഏൽപ്പിക്കുക സംഗതി റെഡി.ഇപ്പോൾ ഇതല്ല ട്രെൻഡ് ഇവന്റ് മാനേജ്‌മെന്റ് ആണെങ്കിൽക്കൂടി എന്തെങ്കിലും വ്യത്യസ്തമായി ചെയ്യണം അല്ലെങ്കിൽ പിടിച്ചുനിൽക്കാൻ കഴിയില്ല .

കഴിഞ്ഞ ദിവസം തൃശൂർ ഇരിക്കലക്കുടയിൽ ഒരു കല്യാണം നടന്നുകല്യാണത്തിന്റെ സ്റ്റേജാണിപ്പോൾ സമൂഹമാധ്യമങ്ങളിൽ ചർച്ചാ വിഷയമായിരിക്കുന്നു സ്റ്റേജിലൂടെ ഒഴുകുന്ന നദി, പിന്നെ കാട് അങ്ങനെ ദൃശ്യങ്ങൾ മാറിമാറി വരുന്നതുകണ്ട്‌ ആളുകൾ അമ്പരന്നു
ഇനി ഈ വമ്പൻ കണ്ടുപിടുത്തത്തിന് പിന്നിൽ ആരാണെന്നു ചിന്തിക്കുമ്പോൾ പിന്നെയും ഞെട്ടും.നടനും,സംവിധായകനുമായ ഇടവേള ബാബുവിന്റെ ഒഴിവുസമയങ്ങളിലെ കലാപരിപാടികളാണിത് 

സംഭവത്തെപ്പറ്റി അദ്ദേഹം പറഞ്ഞതിങ്ങനെ ,ലക്ഷങ്ങൾ മുടക്കി സ്റ്റേജ് ഒരുക്കിയാലും കല്യാണത്തിന് വന്നവരാരും അത് ശ്രദ്ധിക്കണമെന്നില്ല.ചെയ്തപ്പോൾ എല്ലാവരും ഓർത്തിരിക്കുന്നതരത്തിൽ ചെയ്തു. പരീക്ഷണം സഹോദരന്റെ മകന്റെ കല്യാണത്തിനാണെന്നു മാത്രം . എന്നാൽ സംഗതി അത്ര എളുപ്പമല്ല.ദൃശ്യങ്ങൾ ഡൗൺലോഡ് ചെയ്‌തെടുക്കും പിന്നെ 3 ഡി എഫക്ടോടെ സെറ്റിടും.മാത്രമല്ല കർവ് വാൾ ഉപയോഗിച്ചാണ് വീഡിയോ സെറ്റ് ചെയ്യുന്നത് .സ്റ്റേജിന്റെ വലുപ്പമനുസരിച്ചു ചെലവ് കൂടും.ആറു മണിക്കൂർ കൊണ്ട് തീർത്ത സ്റ്റേജിന്റെ നിർമ്മാണച്ചിലവ് 3 .5 ലക്ഷം രൂപയാണ്.