ഗ്രേറ്റ്‌ ഫാദറിനെപ്പോലെ വീണ്ടും മമ്മൂട്ടി

മമ്മൂട്ടിയുടെ കരിയറിലെ ഏറ്റവും മികച്ച വിജയങ്ങളില്‍ ഒന്നായ ഗ്രേറ്റ്‌ ഫാദര്‍ എന്ന സിനിമയുടെ സംവിധായകനായ ഹനീഷ് അദേനിയ്ക്കൊപ്പം മമ്മൂട്ടി വീണ്ടും ഒന്നിക്കുന്നു. ഇത്തവണ സംവിധായകന്റെ റോളിലല്ല ഹനീഷ് . പുതിയ മമ്മൂട്ടി ചിത്രത്തിന് തിരക്കഥ ഒരുക്കിയാണ് ഗ്രേറ്റ്‌ ഫാദറിന്റെ സംവിധായകന്‍ മമ്മൂട്ടി ചിത്രത്തിന്‍റെ ഭാഗമാകുന്നത്. ഷാജി പാടൂര്‍ ആണ് ചിത്രത്തിന്‍റെ സംവിധാനം. നിരവധി സിനിമകളില്‍ അസ്സോസ്സിയേറ്റ് ഡയറക്ടറായി പ്രവര്‍ത്തിച്ച ഷാജിയുടെ കന്നിചിത്രമാണിത്. ഗുഡ്‌വിൽ എന്റർട്രെമെന്റിന്റെ ബാനറിൽ ജോബി ജോർജ്ജ് ആണ് ചിത്രം നിര്‍മ്മിക്കുന്നത്. ‘അബ്രഹാമിന്റെ സന്തതികൾ-എ പോലീസ് സ്റ്റോറി’ എന്ന് പേരിട്ടിരിക്കുന്ന ചിത്രത്തെ കുറിച്ചുള്ള കൂടുതല്‍ വിവരങ്ങള്‍ പുറത്തുവിട്ടിട്ടില്ല