അണിയറയില്‍ ഒട്ടേറെ രണ്ടാം ഭാഗ ചിത്രങ്ങളെക്കുറിച്ച് പ്രഖ്യാപിച്ച് കഴിഞ്ഞെങ്കിലും ‘ആട് ഒരു ഭീകര ജീവിയാണ്’ എന്ന ചിത്രത്തിന്റെ രണ്ടാം ഭാഗത്തിനായാണ് ആരാധകര്‍ കാത്തിരിക്കുന്നത്.
മിഥുന്‍ മാനുവല്‍ തോമസ് സംവിധാനം ചെയ്ത ചിത്രത്തിന്റെ ആദ്യ ഭാഗം തിയേറ്ററില്‍ വിജയം നേടിയില്ലെങ്കിലും ആട് മിനിസ്ക്രീന്‍ ഹിറ്റായിരുന്നു. തുടക്കത്തില്‍ സിനിമയുടെ അവതരണ രീതിയോട് വിമുഖത കാണിച്ച പ്രേക്ഷകര്‍ രണ്ടാം തവണ ആസ്വദിച്ചപ്പോള്‍ ചിത്രത്തെ തങ്ങളുടെ ഇഷ്ട ചിത്രത്തിന്റെ പരിഗണനയില്‍പ്പെടുത്തി.ആദ്യ ഭാഗത്തിലെ പോരായ്മകള്‍ എന്തോക്കെയാന്നെന്ന് തിരുത്തിയാകും മിഥുന്‍ മാനുവല്‍ രണ്ടാമത്തെ ആടിനെ സ്ക്രീനില്‍ എത്തിക്കുക. ഷാജി പാപ്പാനും പിള്ളേരും യുവ പ്രേക്ഷകരുടെ ഇഷ്ടകഥാപാത്രങ്ങളാണെന്ന തരത്തില്‍ തര്‍ക്കമില്ല.
ലേലം, പുണ്യാളന്‍ അഗര്‍ബത്തീസ് തുടങ്ങിയ ചിത്രങ്ങളുടെയൊക്കെ രണ്ടാം ഭാഗം വരാനിരിക്കെ ആട് ഒരു ഭീകരജീവിയാണ് എന്ന ചിത്രത്തിന്റെ തുടര്‍ക്കഥ കാണാനുള്ള ആകാംഷയിലാണ് ഷാജി പാപ്പന്‍ ഫാന്‍സ്‌ പ്രേമികള്‍. തിരക്കഥ പൂര്‍ത്തിയാക്കിയ ചിത്രത്തിന്റെ ചിത്രീകരണം വൈകാതെ ആരംഭിക്കുമെന്നാണ് വിവരം. ഒന്നാം ഭാഗത്തിലെത്തിയ അതേ താരങ്ങള്‍ തന്നെയാകും രണ്ടാം ഭാഗത്തിലും അഭിനയിക്കുക.
Post Your Comments