ഫോര്‍ബ്സ് മാഗസിന്‍ പ്രസിദ്ധീകരിച്ച ബോളിവുഡില്‍ ഏറ്റവുമധികം പ്രതിഫലം വാങ്ങുന്ന പത്ത് താരങ്ങളുടെ പട്ടികയില്‍ രണ്ട് സ്ത്രീകളും. സ്ത്രീകളില്‍ ഒന്നാമതായി നില്‍ക്കുന്നത് ദീപിക പദുക്കോണ്‍ ആണ്. ഫോര്‍ബ്സ് മാഗസിന്‍ തിരഞ്ഞെടുത്ത പത്തുപേരില്‍ ആറാം സ്ഥാനമാണ് ദീപികയ്ക്ക്. ഉയര്‍ന്ന പ്രതിഫലം വാങ്ങുന്ന മറ്റൊരു വനിതാതാരം പ്രിയങ്കാ ചോപ്രയാണ്.
എല്ലാ മേഖലയിലും സ്ത്രീകള്‍ക്ക് കുറഞ്ഞ പ്രതിഫലം ലഭിക്കുന്ന വ്യവസ്ഥയില്‍ താരറാണികളുടെ ഈ നേട്ടം അത്ര നിസാരമായി കാണേണ്ടതില്ല.
അതേസമയം ലോകത്ത് ഉയര്‍ന്ന പ്രതിഫലം വാങ്ങുന്ന പത്ത് നടന്‍മാരുടെ പട്ടിക ഫോബ്സ് മാഗസിന്‍ പ്രസിദ്ധീകരിച്ചപ്പോള്‍ ബോളിവുഡിലെ നാല് നടന്‍മാര്‍ അതിലുള്‍പ്പെട്ടിട്ടുണ്ട്. ഷാരൂഖ് ഖാന്‍, സല്‍മാന്‍ ഖാന്‍, അക്ഷയ് കുമാര്‍ എന്നിവരാണ് ലോകത്തിലെ ഏറ്റവുമധികം പ്രതിഫലം വാങ്ങുന്ന നടന്‍മാരുടെ പട്ടികയില്‍ ഉള്‍പ്പെട്ടിട്ടുള്ളത്. 2016 ജൂണ്‍ ഒന്ന് മുതല്‍ 2017 ജൂണ്‍ ഒന്ന് വരെയുള്ള ബോക്സ് ഓഫിസ് ഇന്ത്യ. ബോക്സ് ഓഫിസ് മോജോ, ഐഎംഡിബി, പ്രസ് ഇന്റര്‍വ്യൂ തുടങ്ങിയവ അടിസ്ഥാനമാക്കിയാണ് ഇതിനുള്ള വിവരശേഖരണം നടത്തിയിട്ടുള്ളത്.
Post Your Comments