വില്ലന്‍ കഥാപാത്രങ്ങളിലൂടെ മലയാളികള്‍ക്ക് പരിചിതനാണ് റിയാസ് ഖാന്‍. മലയാളത്തില്‍ മാത്രമല്ല തമിഴിലും ശ്രദ്ധേയനായ റിയാസ് ഖാന്‍ പ്രേക്ഷകരെ ഞെട്ടിക്കുന്ന മേക്കോവറുമായി എത്തുകയാണ്. വിളയാട് ആരംഭം എന്ന തമിഴ് ചിത്രത്തില്‍ സുന്ദരിയായ സ്ത്രീയായാണ് റിയാസ് എത്തുന്നത്. ഇളം പച്ച നിറത്തിലുള്ള സാരി ഉടുത്ത് രുദ്രാക്ഷം അണിഞ്ഞാണ് ചിത്രത്തില്‍ റിയാസ് പ്രത്യക്ഷപ്പെടുന്നത്. ചെമ്ബന്‍ മുടിയുമായി ഒരുങ്ങിയെത്തിയ താരത്തെ തിരിച്ചറിയാന്‍ പ്രയാസമാണ് എന്നതാണ് വാസ്തവം. ഫേസ്ബുക്കിലൂടെ താരം തന്നെയാണ് തന്റെ പുതിയ ലുക്ക് പരസ്യമാക്കിയത്. ചിത്രത്തിന്റെ ഷൂട്ടിങ്ങ് പുരോഗമിക്കുകയാണ്.
മമ്മൂട്ടി, ദിലീപ്, ജഗതി, ഇന്നസെന്റ്, ജയറാം കമല്‍ ഹസന്‍, വിക്രം, തുടങ്ങിയവരുടെയൊക്കെ പെണ്‍ വേഷങ്ങള്‍ ശ്രദ്ധേയമായിരുന്നു. ഈ പെണ്‍വേഷങ്ങളോടാണ് മത്സരിക്കാന്‍ തയ്യാറെടുക്കുകയാണ് റിയാസിന്റെ സുന്ദരിയും.
Post Your Comments