ഇന്ത്യന്‍ സിനിമയില്‍ എക്കാലത്തും നായകന്മാര്‍ക്കാണ് പ്രാധാന്യം. നായികയെന്നാല്‍ നായകന് പ്രേമിക്കാനും കൂടെ ആടിപ്പാടാനും മാത്രം. ഇതാണ് മുഖ്യധാര സിനിമകളില്‍ ഏറിയ പങ്കും വെച്ചു പുലര്‍ത്തുന്ന ധാരണ. അതിന് അപവാദമായി ചുരുക്കം ചില സിനിമകളും ഉണ്ടാകുന്നുണ്ട്.ഇതിൽ നിന്നൊക്കെ വ്യത്യസ്തയാണ് നയൻതാര.
ലേഡി സൂപ്പര്‍ സ്റ്റാര്‍ എന്ന വിശേഷണം അക്ഷരാര്‍ത്ഥത്തില്‍ യോജിക്കുന്ന ഏക തെന്നിന്ത്യന്‍ നായികയാണ് നയന്‍താര. നായകന്മാരോ സൂപ്പര്‍ സ്റ്റാറുകളോ ഇല്ലാത്ത ചിത്രവും നയന്‍താര ഒറ്റയ്ക്ക് വിജയപ്പിച്ചിട്ടുണ്ട്. മറ്റൊരു നായികയ്ക്ക് ഇത് നിലവില്‍ അവകാശപ്പെടാനാകില്ല.മായ, ഡോറ തുടങ്ങിയ ഹൊറർ ചിത്രങ്ങൾക്ക് ശേഷം തീയേറ്ററിനെ ചിരിയുടെ പൂരപ്പറമ്പാക്കാൻ ഒരുങ്ങുകയാണ് നയൻതാര.
പേരില്‍ തന്നെ കൗതുകം ഒളിഞ്ഞിരിക്കുന്ന കോ കോ എന്ന ചിത്രത്തിലൂടെയാണ് പ്രേക്ഷകരെ ചിരിപ്പിക്കാന്‍ നയന്‍താര എത്തുന്നത്.കൊലമാവ് കോകില എന്നാണ് ചിത്രത്തിന്റെ മുഴുവന്‍ പേര്. യോഗി ബാബു ഒരു പ്രധാന കഥാപാത്രത്തെ അവതരിപ്പിക്കുന്ന ചിത്രം സംവിധാനം ചെയ്യുന്നത് നെല്‍സണ്‍ ആണ്.
Post Your Comments