വിശാലിന്റെ പുതിയ ചിത്രമായ തുപ്പരിവാളൻ പ്രദർശനത്തിനെത്തുന്നു. അത്യധികം ജിജ്ഞാസ ഉണർത്തുന്നതും ഉദ്വേഗപൂർണവുമായ ഒരു കുറ്റാന്വേഷണ കഥയുടെ ചലച്ചിത്രാവിഷ്ക്കാരമാണ് തുപ്പരിവാളൻ.കണിയൻ പൂങ്കുൻറൻ എന്ന ഡിറ്റക്ടീവ് നായക കഥാപാത്രത്തെയാണ് വിശാൽ അവതരിപ്പിക്കുന്നത്. മിഷ്കിൻ രചനയും സംവിധാനവും നിർവഹിച്ചിരിക്കുന്ന ചിത്രം സെപ്റ്റംബർ 14 നു തീയറ്ററുകളിൽ എത്തും.മിഷ്കിൻ സിനിമകൾ എന്നും മറ്റുള്ള സിനിമകളിൽ നിന്നും വേറിട്ടു നിൽക്കുന്നതിനാൽ പ്രേക്ഷകർ ഏറെ ആകാംക്ഷയോടെയാണ് ചിത്രം കാത്തിരിക്കുന്നത്.മിഷ്‌കിനും വിശാലും ഒന്നിക്കുന്നു എന്നതിനാൽ കൂടുതൽ പ്രതീക്ഷകളാണ് ഉള്ളത്.
“ഞാൻ ഇതു വരെ അഭിനയിച്ചിട്ടുള്ള സിനിമകളിൽ നിന്നും വളരെ വ്യത്യസ്തമായ. ചടുലവും ഉദ്വേഗഭരിതവുമായ ഒരു ഇതിവൃത്തമാണ് തുപ്പറിവാളന്റേത്. ഒരു ഇംഗ്ലീഷ് സിനിമ കാണുന്ന ത്രില്ലിങ്ങ് ഈ സിനിമ കാണുമ്പോൾ നിങ്ങൾക്ക് അനുഭവപ്പെടും. ഇതിൽ സാഹസികമായ ആക്ഷൻ രംഗങ്ങളിൽ ഡ്യൂപ്പില്ലാതെ അഭിനയിച്ചതിനാൽ പരിക്കും പറ്റി “, വിശാൽ പറയുന്നു. അനു ഇമ്മാനുവലാണ് തുപ്പരിവാളനിലെ നായിക. വളരെ നാളുകൾക്കു ശേഷം സിമ്രാൻ ശക്തമായ ഒരു കഥാപാത്രത്തെ അവതരിപ്പിയ്ക്കുന്നു.
ആൻഡ്രിയാ,പ്രസന്ന,വിനയ്,കെ.ഭാഗ്യരാജ്,’തലൈവാസൽ’വിജയ്,ജയപ്രകാശ്, ജോൺ വിജയ്, അജയ് രത്നം,ധീരജ് രത്നം എന്നിങ്ങനെ വലിയൊരു താര നിര മറ്റു പ്രധാന കഥാപാത്രങ്ങളെ അവതരിപ്പിക്കുന്നു.
Post Your Comments