ഓണച്ചിത്രമായ്‌ ഇത്തവണ ആദ്യമെത്തിയത് മോഹൻലാലിന്റെ വെളിപാടിന്റെ പുസ്തകമാണ്. ലാല്‍ ജോസ് – ബെന്നി പി നായരമ്പലം കൂട്ടുകെട്ടില്‍ പിറന്ന ചിത്രം തീയേറ്ററുകളില്‍ നിറഞ്ഞോടുകയാണ്. വെളിപാടിന്റെ പുസ്തകം ആദ്യ ദിനം പിന്നിടുമ്പോൾ റെക്കോര്‍ഡുകള്‍ തകര്‍ത്തിരിക്കുകയാണ്.
മമ്മൂട്ടിയുടെ എക്കാലത്തേയും കളക്ഷന്‍ ചിത്രമാ‍യ ഗ്രേറ്റ് ഫാദറിനെ വെളിപാടിന്റെ പുസ്തകം തകർത്തുവെന്നാണ് റിപ്പോര്‍ട്ടുകള്‍. മമ്മൂട്ടി ഡേവിഡ് നൈനാന്‍ ആയി നിറഞ്ഞാടിയ ഗ്രേറ്റ് ഫാദറിന്റെ ആദ്യ ദിന കൊച്ചി മള്‍ട്ടിപ്ലക്സ് റെക്കോര്‍ഡ് കളക്ഷന്‍ മോഹന്‍ലാലിന്റെ ഓണച്ചിത്രം തകര്‍ത്തു.
ഗ്രേറ്റ് ഫാദർ കൊച്ചിന്‍ മള്‍ട്ടിപ്ലക്സുകളില്‍ നിന്നും ആദ്യ ദിനം നേടിയത് 13.77 ലക്ഷവും വെളിപാടിന്റെ പുസ്തകം അവിടെ നിന്നും ആദ്യ ദിനം സ്വന്തമാക്കിയത് 14.56 ലക്ഷം രൂപയുമാണ്. ഒരു മലയാള സിനിമക്ക് ആദ്യ ദിനം ലഭിക്കുന്ന ഏറ്റവും കൂടുതല്‍ ഷോ എന്ന റെക്കോര്‍ഡ് അങ്ങനെ വെളിപാടിന്റെ പുസ്തകത്തിന് സ്വന്തമായിരിക്കുകയാണ്.
Post Your Comments