മലയാളത്തിലും തമിഴിലും താരമൂല്യമുള്ള ബാലതാരമാണ് അനിഖ. തിയേറ്ററില്‍ തരംഗം സൃഷ്ടിച്ച ദ ഗ്രേറ്റ് ഫാദര്‍ എന്ന ഹനീഫ് അദേനി ചിത്രത്തില്‍ മമ്മൂട്ടിയുടെ മകളായി എത്തിയ ശ്രദ്ധേയയായ ബേബി അനിഖയുടെ ചില ചിത്രങ്ങള്‍ ഫേസ്ബുക്കില്‍ വൈറലാകുന്നു.
രാകേഷ് മന്നാര്‍ക്കാട് എന്ന ഫോട്ടോഗ്രാഫര്‍ പകര്‍ത്തിയ ചിത്രങ്ങള്‍ അനിഖ തന്നെയാണ് തന്റെ ഫേസ്ബുക്ക് പേജിലൂടെ ഷെയര്‍ ചെയ്തത്.
ഫോട്ടോ വളരെ വ്യത്യസ്തമാണെന്നാണ് ആരാധകരുടെ കമന്റ്. അനിഖയുടെ പേരിന് മുന്നിലുള്ള ബേബി എടുത്ത് മാറ്റാന്‍ സമയമായി എന്നും, ഇനി നായികയായി തുടങ്ങാം എന്നും ആരാധകര്‍ പറയുന്നു.
ആസിഫ് അലിയുടെയും മംമ്ത മോഹന്‍ദാസിന്റെയും മകളായി സത്യന്‍ അന്തിക്കാട് സംവിധാനം ചെയ്ത കഥ തുടരുന്നു എന്ന ചിത്രത്തിലൂടെയാണ് അനിഖയുടെ തുടക്കം.
റേസ്, ബാവൂട്ടിയുടെ നാമത്തില്‍, അഞ്ച് സുന്ദരികള്‍ , ഗൗതം മേനോന്‍ സംവിധാനം ചെയ്ത എന്നൈ അറിന്താല്‍ ജയംരവിയുടെ മിരുതന്‍ തുടങ്ങിയ ചിത്രങ്ങളില്‍ മികച്ച പ്രകടനം കാഴ്ചവച്ച അനിഖ കാവ്യ, സനുഷ, മഞ്ജിമ തുടങ്ങിവരുടെ ലിസ്റ്റിലേക്ക് ഉടന്‍ എത്തുമെന്ന് പ്രതീക്ഷിക്കാം.
Post Your Comments