സമീപ കാലത്തായിരുന്നു പ്രേക്ഷകര്‍ ലിജോ ജോസ് പെല്ലിശ്ശേരിയുടെ അങ്കമാലി ഡയറീസിനെ ആഘോഷമാക്കിയത്. വൈകാതെ തന്നെ ലിജോ തന്‍റെ പുതിയ ചിത്രത്തെകുറിച്ച് പ്രേക്ഷകരോട് പങ്കുവയ്ക്കുകയും ചെയ്തു. ചെമ്പന്‍ വിനോദും, സംവിധായകന്‍ ദിലീഷ് പോത്തനും. വിനായകനും കേന്ദ്രകഥാപാത്രങ്ങളായി എത്തുന്ന ഈ മ ഔ ആണ് അണിയറയില്‍ ഒരുങ്ങുന്ന പുതിയ ലിജോ ചിത്രം. പതിനെട്ടു ദിവസം കൊണ്ട് സിനിമയുടെ ചിത്രീകരണം പൂര്‍ത്തിയാക്കിയ ലിജോ ജോസ് പെല്ലിശ്ശേരി വീണ്ടും മലയാള സിനിമയില്‍ സിനിമ ഇറങ്ങും മുന്‍പേ മായാജാലം കാട്ടിയിരിക്കുകയാണ്.
25 ദിവസം പ്ലാന്‍ ചെയ്തിരുന്ന ചിത്രം ഒരാഴ്ച മുന്‍പേ പൂര്‍ത്തികരിച്ച ലിജോ വീണ്ടും സിനിമാ കോളങ്ങളിലെ സൂപ്പര്‍ ഹീറോയാകുകയാണ്.
പി എഫ് മാത്യൂസാണ് ചിത്രത്തിന്‍റെ രചന നിര്‍വഹിച്ചിരിക്കുന്നത്. പ്രശാന്ത് പിള്ളയാണ് സംഗീതം. രാജേഷ് ജോർജ് കുളങ്ങര നിര്‍മ്മിക്കുന്ന ചിത്രം ഒരു കടലോര ഗ്രാമത്തിലെ ജനങ്ങളുടെ ജീവിതകഥയാണ് പങ്കുവയ്ക്കുന്നത്.
Post Your Comments