ബാലതാരങ്ങളായി സിനിമയില്‍ എത്തുകയും പിന്നീട് നീണ്ട ഇടവേളയ്ക്ക് ശേഷം നായികയായി തിരിച്ചെത്തുകയും ചെയ്യുന്നത് നമ്മള്‍ കണ്ടു കഴിഞ്ഞു. ശാലിനി, സനുഷ, ശ്യാമിലി തുടങ്ങിയവര്‍ മലയാളികള്‍ക്ക് സുപരിചിതര്‍. ഇപ്പോള്‍ അക്കൂട്ടത്തിലേക്ക് എത്തുകയാണ് മാളവിക രാജ്. കരണ്‍ ജോഹര്‍ ഒരുക്കിയ കഭി ഖുശി കഭിഗം എന്ന സിനിമയില്‍ കരീന കപൂറിന്റെ ചെറുപ്പകാലം അഭിനയിച്ചാണ് മാളവിക ശ്രദ്ധേയയായത്.
2001ലാണ് കഭി ഖുശി കഭി ഗം എന്ന സിനിമ പ്രദര്‍ശനത്തിനെത്തിയത്. 16 വര്‍ഷങ്ങള്‍ക്ക് ശേഷം മാളവിക രാജ് ബോളിവുഡ് നായികയായി തിരിച്ചെത്തുകയാണ്. ഇപ്പോള്‍ മോഡലിംഗ് രംഗത്തെ സജീവ സാന്നിദ്ധ്യമാണ് മാളവിക .
അന്തോണി ഡിസൂസ സംവിധാനം ചെയ്യുന്ന ക്യാപ്റ്റന്‍ നവാബ് എന്ന ചിത്രത്തിലൂടെയാണ് മാളവിക മടങ്ങി എത്തുന്നത്. ഇമ്രാന്‍ ഹാഷ്മിയാണ് ചിത്രത്തില്‍ ക്യാപ്റ്റന്‍ നവാബായി എത്തുന്നത്. ഒരു ആര്‍മി ഉദ്യോഗസ്ഥന്റെ ജീവിതത്തില്‍ നടന്ന യഥാര്‍ത്ഥ സംഭവങ്ങളാണ് ചിത്രത്തിന്റെ ഇതിവൃത്തം.
Post Your Comments