നടന്‍ ദിലീപും കേരള ആക്ഷന്‍ ഫോഴ്സും നേതൃത്വം നല്‍കുന്ന ജിപി ചാരിറ്റബിള്‍ ട്രസ്റ്റ് നിര്‍മ്മിച്ച വീട് സിനിയ്ക്കും മകള്‍ അനുഗ്രയ്ക്കും കൈമാറി. കഴിഞ്ഞ ഒക്ടോബറില്‍ ദിലീപായിരുന്നു ഗൃഹ നിര്‍മ്മാണത്തിന്‍റെ ഭാഗമായി തറക്കല്ലിട്ടത്. തങ്ങളുടെ സുരക്ഷയ്ക്കായി വീട് നല്‍കിയ ദിലീപ് നേരിട്ട് താക്കോല്‍ നല്‍കുമെന്ന പ്രതീക്ഷയിലായിരുന്നു ഇവര്‍, ഒടുവില്‍ വലിയ ആഘോഷങ്ങളൊന്നുമില്ലാതെ തിങ്കളാഴ്ച ഇവര്‍ താക്കോല്‍ ഏറ്റുവാങ്ങി . വീടിന് തറക്കല്ലിട്ട ദിവസം ദിലീപിന്‍റെ പിറന്നാള്‍ ആഘോഷത്തിലും ഇവര്‍ പങ്കുചേര്‍ന്നു. താക്കോല്‍ കൈമാറല്‍ ചടങ്ങിനായി എത്തുമെന്ന് ഉറപ്പു നല്‍കിയാണ്‌ ദിലീപ് അന്ന് മടങ്ങിയത്. ബസ് ഓടിക്കുന്നതിനിടെ ഹൃദയാഘാതത്തെ തുടര്‍ന്ന്‍ മരണപ്പെട്ട ചേലക്കൊമ്പില്‍ പനയംതെങ്ങില്‍ ഷാബി ദാസിന്റെ ഭാര്യയാണ് സിനി. അനാഥമായ ഈ കുടുംബത്തിനു വീട് എന്ന സ്വപ്നം യാഥാര്‍ത്യമായത് വലിയൊരു ആശ്വാസം തന്നെയാണ്.
Post Your Comments