തമിഴ് സൂപ്പര്‍ താരം അജിത്ത് നായകനായി എത്തുന്ന വിവേകത്തിന് റിലീസിന് മുന്‍പേ വന്‍ സ്വീകാര്യതയാണ് സോഷ്യല്‍ മീഡിയയില്‍ ലഭിക്കുന്നത്. ചിത്രത്തില്‍ അജിത്തിനൊപ്പം സുപ്രധാനമായ ഒരു കഥാപാത്രത്തെ അവതരിപ്പിച്ച ബോളിവുഡ് താരം വിവേക് ഒബ്റോയ് വിവേകം എന്ന സിനിമയെക്കുറിച്ചും അജിത്തിനൊപ്പമുള്ള അഭിനയ നിമിഷങ്ങളെക്കുറിച്ചും ഒരു മാധ്യമത്തിനു നല്‍കിയ അഭിമുഖത്തില്‍ പങ്കുവച്ചു.
“എന്റെ അടുത്തു വരുന്ന എല്ലാ ചിത്രങ്ങളും ഞാൻ സ്വീകരിക്കാറില്ല. എനിക്ക് ബിസ്സിനസ്സുണ്ട്.അത് നോക്കി നടത്തുകയാണ് ഞാൻ. ശിവ വന്നു കഥയെ പറ്റി 15 മിനിട്ട് വിവരിച്ചപ്പോൾ തന്നെ ഞാൻ ഓക്കേ പറഞ്ഞു. അദ്ദേഹം കഥ പറഞ്ഞപ്പോൾ മുഖത്ത് ഉണ്ടായിരുന്ന പാഷൻ എനിക്ക് ഏറെ ഇഷ്ടമായി. അത് കഴിഞ്ഞാണ് ഞാൻ വീരവും വേതാളവും കണ്ടത്. എന്റെ അഭിപ്രായത്തിൽ അത് രണ്ടിലും നിന്നും ഒരു പടി മുന്നിൽ നിൽക്കുന്ന ചിത്രമായിരിക്കും വിവേകം.
അജിത്, അദ്ദേഹത്തെ ഞാൻ അണ്ണാ എന്നാണ് വിളിക്കാറുള്ളത്. സെർബിയയിൽ വച്ചാണ് ആദ്യം കണ്ടത്. എന്റെ അടുത്തു വന്നു വന്നു കൈ തന്നിട്ട് പറഞ്ഞു. നിങ്ങളീ സിനിമയിൽ അഭിനയിക്കാൻ താല്‍പര്യം കാണിച്ചതിന് നന്ദി എന്ന്. അദ്ദേഹം വളരെ ഡൌൺ ടു ഏർത് ആയൊരു മനുഷ്യൻ ആണ്‌. ചെയ്യുന്ന ജോലിയോട് വളരെ ഡെഡിക്കേറ്റഡ് ആണ്‌. വിവേകത്തിലെ കഥാപാത്രത്തിനായി അദ്ദേഹം വളരെയധികം വർക്ക്‌ ഔട്ട്‌ ചെയ്തിരുന്നു. സെർബിയയിൽ മരം കോച്ചുന്ന തണുപ്പത്ത് രാവിലെ 5 മണിക്ക് അദ്ദേഹം ജിമ്മിൽ പോകുന്നത് കണ്ടു ഞാൻ ഞെട്ടിയിട്ടുണ്ട്. അത്രയും മഞ്ഞിൽ പല സീനുകളിലും അദ്ദേഹം ഷർട്ട് ഉപയോഗിക്കാതെ അഭിനയിക്കുന്നുണ്ട്.”
Post Your Comments