തമിഴിലെ സൂപ്പർ താരം ഇളയദളപതി വിജയ് ‘യുടെ കടുത്ത ആരാധകരുടെ കഥ പറയുന്ന ചിത്രമായ “പോക്കിരി സൈമൺ – ഒരു കടുത്ത ആരാധകൻ” റിലീസിന് തയ്യാറെടുക്കുകയാണ്. ശ്രിവരി ഫിലിംസിന്റെ ബാനറിൽ കൃഷ്ണൻ സേതുകുമാർ നിർമ്മിക്കുന്ന ചിത്രം സംവിധാനം ചെയ്യുന്ന ജിജോ ആന്റണിയാണ്. കെ.അമ്പാടിയാണ് രചന നിർവ്വഹിക്കുന്നത്. പപ്പിനു ക്യാമറാ വിഭാഗം കൈകാര്യം ചെയ്യുന്ന ചിത്രത്തിൽ സണ്ണി വെയിൻ, പ്രയാഗ മാർട്ടിൻ, നെടുമുടി വേണു, അപ്പാനി ശരത്, ഗ്രിഗറി, ദിലീഷ് പോത്തൻ, സൈജു കുറുപ്പ് എന്നിവരാണ് പ്രധാന വേഷങ്ങളിലെത്തുന്നത്.
ബി.കെ.ഹരിനാരായണൻ എഴുതി ഗോപീസുന്ദർ സംഗീതം നിർവ്വഹിച്ച മനോഹരമായ ഗാനങ്ങളാണ് ചിത്രത്തിന്റെ ഹൈലൈറ്റ്. വിജയ് സിനിമകളിലെന്ന പോലെ ഏറ്റവും ചടുലമായ ഗാനരംഗങ്ങൾ കൊണ്ട് പ്രേക്ഷകരെ ഹരം കൊള്ളിക്കുന്ന തരത്തിലാണ് ഗാനങ്ങൾ തയ്യാറാക്കിയിട്ടുള്ളത്. ഈസ്റ്റ് കോസ്റ്റ് ഓഡിയോസാണ് പാട്ടുകൾ വിതരണത്തിനെടുത്തിട്ടുള്ളത്. സെപ്റ്റംബർ പകുതിയോടെ “പോക്കിരി സൈമൺ – ഒരു കടുത്ത ആരാധകൻ” തീയറ്ററുകളിൽ എത്തുന്നതാണ്.
Post Your Comments