ചരിത്രം കുറിച്ച് ഐശ്വര്യ റായ്

ഇന്ത്യൻ സ്വാതന്ത്ര്യസമരത്തി​ൻ്റെ 70ാം വാർഷിക ആഘോഷവേളയില്‍ ചരിത്രം കുറിച്ച് ഐശ്വര്യ റായ്. മെൽബൺ ഇന്ത്യൻ ഫിലിം ഫെസ്​റ്റിവലിൽ (ഐഎഫ്എഫ്എം) ഇന്ത്യൻ പതാക ഉയർത്തുന്ന ആദ്യ വനിതയായി ബോളിവുഡ് സുന്ദരി ഐശ്വര്യ റായ്. ഐഎഫ്എഫ്എമ്മി​ൻ്റെ ഒൗദ്യോഗിക ട്വിറ്റർ അക്കൗണ്ടിൽ ചിത്രവും വീഡിയോയും പോസ്​റ്റ്​ ചെയ്​തിട്ടുണ്ട്​. ഇന്ത്യൻ സ്വാതന്ത്ര്യസമരത്തി​ൻ്റെ 70ാം വാർഷിക ആഘോഷത്തിന്‍റെ ഭാഗമായി ഫെഡ്​ സ്​ക്വയറിൽ ​ഐശ്വര്യറായ്​ ബച്ചൻ ദേശീയ പതാക ഉയർത്തുന്നു എന്ന അടിക്കുറിപ്പോടെയാണ് ചിത്രം​ ​ ട്വിറ്ററിൽ ​പോസ്​റ്റ്​ ചെയ്​തത്​.

ഇന്ത്യൻ പതാക ഉയർത്തുന്ന വീഡിയോ ഇതിനോടകം തന്നെ നവമാധ്യമങ്ങളില്‍ വൈറലായിക്കഴിഞ്ഞു. മകൾ ആരാധ്യയും താരത്തിന്‍റെ കൂടെ ഉണ്ടായിരുന്നു. തനിക്ക് നൽകിയ അവസരത്തിന് ഐശ്വര്യ റായി സംഘാടകർക്ക് നന്ദി പറഞ്ഞു.