മുംബൈയില്‍ നിന്നുള്ള ബിജെപി എംപി പൂനം മഹാജനുമായി രജനികാന്തിന്റെ കൂടിക്കാഴ്ച. ചെന്നൈയിലാണ് ഇരുവരും തമ്മിലുള്ള കൂടിക്കാഴ്ച നടത്തിയത്. ഇരുവരും ഒരുമിച്ചുള്ള ചിത്രങ്ങള്‍ പൂനം ട്വിറ്ററിലൂടെ പുറത്തുവിട്ടു.
ബിജെപിയുടെ റാലിയില്‍ പങ്കെടുക്കാനായാണ് പൂനം മഹാജന്‍ ചെന്നൈയിലെത്തിയത്. ഇതിനിടെയായിരുന്നു രജനികാന്തിന്റെ ചെന്നൈയിലെ വസതിയില്‍ കൂടിക്കാഴ്ച. മുന്‍ കേന്ദ്രമന്ത്രിയും തന്‍റെ പിതാവുമായിരുന്ന പ്രമോദ് മഹാജന്‍റെ അടുത്ത സ്നേഹിതനായിരുന്നു രജനികാന്ത് എന്നാണ് കൂടിക്കാഴ്ചയ്ക്ക് പൂനം നല്‍കിയ വിശദീകരണം. രാഷ്ട്രീയ ചര്‍ച്ചകള്‍ക്ക് വേണ്ടിയുള്ള കൂടിക്കാഴ്ചയായിരുന്നില്ലെന്നാണ് ബിജെപിയുടെ വിശദീകരണം. കൂടിക്കാഴ്ചയില്‍ രജനികാന്തിനൊപ്പം ഭാര്യയും ഉണ്ടായിരുന്നു. കൂടിക്കാഴ്ചയെക്കുറിച്ച്‌ രജനികാന്ത് പ്രതികരിച്ചിട്ടില്ല.
Post Your Comments